梁祖堯拉全體演員落水跳舞 Sica越跳越懷疑揭有骨頭障礙？

由風車草劇團主辦，風車草黑心喜劇《Di-Dar音樂劇場》，將於2024年8月9日起於葵青劇院演藝廳公演，並於8月29日起移師香港演藝學院歌劇院繼續演出，劇團主腦梁祖堯、湯駿業（AhDee）、邵美君、將首度夥拍葛民輝、岑珈其、何洛瑤（Sica）、鄧家杰（KaKit）、杜曦駿（Larry）、胡麗英（Grace）及梁浩邦一同演出。《Di-Dar》以面臨殺校邊緣的中學作為背景，並以殯儀業作為故事主軸，負責編劇的梁祖堯天馬行空地構思出一個瘋狂喜劇，但更瘋狂的是，阿祖邀請了全體演員在劇中一同參與舞蹈部份！

同場加映：島嶼協奏曲丨邱士縉被批冇資格入MIRROR成陰影 鄧麗欣體會團體辛酸：唔敢望其他Fans

{{hket:ul-video id="10929"}}{{/hket:ul-video}}

{{hket:inline-image name="DSC01137.JPG"}}{{/hket:inline-image}}

{{hket:inline-image name="DSC01139.JPG"}}{{/hket:inline-image}}

點解大家要一齊跳舞？阿祖笑言：「因為我冇時間做gym所以攬埋大家落水，但係冇瘦到。」說笑過後，阿祖認真道：「我覺得每個人都鍾意跳舞，話唔識跳舞嘅岑珈其，其實佢都係好enjoy跳舞，你見佢嘅投入度，係勁enjoy！每個人都有佢嘅跳舞魂喺入面，跳舞呢件事係好開心，同埋揦手唔成勢嘅時候觀眾亦會睇得好開心。」開心從來都是發自內心最能感染人，今次這個演出陣容，在排練過程就充滿歡樂氛圍，其中肩負起編舞責任的KaKit及Larry，都十分享受自己的職責。KaKit道：「今次係我第一次去排咁多個人嘅舞，我以往就連造星嗰啲都唔係自己排，但一嚟就幫晒咁多個人排，仲要有啲人係完全冇跳舞底子，但睇到大家好enjoy去跳每一個step，所以呢個係最enjoy。」雖然有些人沒有舞蹈底子，但KaKit與Larry也構思了一些難度稍高的動作，讓本身懂得跳舞的人去挑戰一下自己。Larry道：「我哋有個動作係要做側手翻，我哋好多人都未做到，包括我自己都未做到，諗住利用呢一個月練。」

相信觀眾在造星時期已見識過Sica的「舞功」，但Sica表示今次都要努力練舞，她說：「我有個錯覺以為自己跳舞都唔差，點知編咗好多locking，wave，isolation，突破緊我對跳舞嘅認知，原來我個骨頭係好多障礙，另外側手翻我都係唔識㗎，然後當佢哋話仲要度多個前滾翻，我話我真係學唔切喇！」至於完全沒有舞蹈底子的則有另一番見解，Grace說：「成件事最緊要係enjoyment，跳舞唔係要跳得好靚，要有好多technique，嗰啲就交俾專業嘅舞蹈員做。我哋呢套劇係有開心嘅氛圍想Share俾觀眾，所以對於我嚟講，當然要俾心機練，唔好搞到自己突圍而出，變咗solo，最緊要投入同埋enjoy，呢個過程係好好。」

說回編舞，作為年輕一輩的KaKit和Larry，今次亦要為阿君和阿葛排舞。面對前輩，二人可有壓力？KaKit道：「我覺得係完全冇壓力，好輕鬆，因為佢哋兩個都係表演經驗超級豐富，我哋都係俾少少框架、steps佢哋，然後都係自由發揮，例如我哋只係指導邊個位做邊啲，阿葛會問返我哋係咪想妖啲定係型格啲character、動作俾阿君，然後我哋就可以再度啲妖啲嘅俾阿君去試，然後就做到啲好妖嘅嘢出嚟。」Larry亦道：「佢哋全部都聽開歌，有基本嘅節拍感，音樂感好好，令到成件事好做好多，教起上嚟易好多快好多。」

跳舞當然要有歌曲，為了配合今次《Di-Dar》的故事內容，歌曲上亦有令人意想不到的驚喜。阿祖道：「我哋揀咗好多歌喺裡面表演，戲軌係我哋呢班人周圍拼湊埋一齊，無啦啦變咗跳唱組合，仲紅咗添！我哋會唱好多同殯儀有關嘅改編歌，但係啲歌完全係挑戰人類底線嘅極限，因為啲歌詞係挑戰禁忌，挑戰道德底線，同埋好好笑，我第一次睇嘅時候，我喺屋企笑咗出嚟。點解會有嗰啲歌，係因為戲軌係我哋唱呢啲歌，然後成為組合紅咗，好受歡迎，有好多fans，但啲fans都係孤魂野鬼，都係啲死咗或者想死嘅人，現實裡面做唔到呢件事，喺劇場世界裡面，就可以盡情發揮自己，我自己亦終於可以一圓成為跳唱歌手嘅夢想。」

《Di-Dar》講述香港某一間面臨殺校邊緣的中學，財政緊絀，校長走投無路之下，決定弘揚中國文化，在學校硬推中樂，獲取巨大活動資助金吊命。學生反應未如理想，校長聯同訓導主任無計可施之下，決定學生加入中樂團就可換取大過變小過，小過變缺點的優惠。果然吸引到一班壞學生加入。一波未平一波又起，學校突然傳出鬧鬼傳聞，校工和女學生言之鑿鑿在校內撞鬼，為防止恐懼蔓延，校長唯有聘請法科師傅在校內舉行驅邪大會。法事進行，當打齋佬吹起又如號角一般響亮的啲打，竟然燃點起大家內心深處的表演魂。

撰文：娛樂組