中年好聲音2丨譚輝智向A貨挑機合唱《屈到病》 仔女睇錯誤以為真：Daddy輸咗？

上星期關嘉敏在節目《福祿壽訓練學院》中，扮演「痰輝智」模仿譚輝智在《中年好聲音2》唱出張學友名曲《屈到病》，今次扮得十分神似而備受讚賞。當日，譚輝智都覺得好似，有轉發對方表演片段。TVB安排二人同框合唱，他們初次見面，關嘉敏大叫尷尬。

{{hket:inline-image name="77.png"}}{{/hket:inline-image}}

關嘉敏和譚輝智接受《東張西望》訪問，二人初次碰頭，譚輝智笑言自己才是真正的關嘉敏，他說：「佢完全唔係我啲樣，靚咁多，佢要醜化（自己），嗰下睇到佢功架，好勁，最難要做到唔識跳。」

{{hket:inline-image name="00.png"}}{{/hket:inline-image}}

譚輝智期間對關嘉敏扮自己的過程十分好奇，她透露自己花了3個多小時化妝，難怪神似程度很高，他拿出當晚節目片段：「當日出街，好多人send畀我，你呢個角度，冇可能唔係我。」

{{hket:inline-image name="20240701112805_9275b54fe6d2ebfe87e89f8a59f4a38f1adbf689.jpg"}}{{/hket:inline-image}}

{{hket:inline-image name="20240701112719_041072ba2afaa48c79bcd907a63b6ae0af865c2c.jpg"}}{{/hket:inline-image}}

關嘉敏的功力，呃到不少人，譚輝智自爆連自己的仔女當時睇節目，都誤以為是自己：「小朋友喺屋企睇，問daddy係咪輸咗，佢去咗邊？佢哋覺得好似，當佢（關嘉敏）離開咗，佢哋狂搵佢，連佢哋都認錯。我睇完超開心，有人問我會唔會嬲，點會？開心到爆。」關嘉敏亦指，當晚錄影前，在電視城內走來走去，不少同事都誤認她是譚輝智到場。

{{hket:inline-image name="2.jpg"}}{{/hket:inline-image}}

二人即場互相扮演對方，合唱《屈到病》，譚輝智唱得勁High，還爆肚謂：「係咪拉姑嚟咗？」他相信二人合唱片段能有好點擊，表示點擊過100萬，關嘉敏會再扮演一次。節目出街後，好多人都支持他們能同台演出。

{{hket:inline-image name="11.png"}}{{/hket:inline-image}}

不少藝人留言，當中甘永傑搞笑謂，「FC扮女仔，分唔到添」、網民留言大讚，「FC同嘉敏真係可以做諧星，佢兩個跳唱聲音表情真係帶到畀觀眾無限歡笑，兩位真係前途無限」、「台慶應該搵佢哋合體表演」、「嘩！咩事咁爆呀!輝智同關嘉敏咁快合體，真係屈到病，好正」、「希望兩位同台演出」。

關嘉敏的模仿功力，日漸進步，之前在節目內，她曾分別扮過不少紅歌星，當中扮梅艷芳唱《淑女》相當驚艷，而她扮王菲的造型，更為神似，當時已經不斷被讚賞。