反黑英雄丨陳少邦重遇當年校草勁敵袁偉豪 同校師兄弟大受歡迎認輸呢一點...

袁偉豪眾所周知是曾經學生時期選過《YES!!》雜誌舉辦的「全港校花校華選舉」的冠軍人馬，隨後他入行後接拍電影，亦參加TVB舉辦的「香港先生」獲得冠軍，加入TVB後接拍多部電視劇，獲封為大馬視帝。他有份主演的新劇《反黑英雄》下周播出，原來同劇的陳少邦是同屆校草，少邦在社交平台分享兩人合照，即時引起一陣回憶殺。

同場加映：無人之境│周國賢離婚後未有膽量再闖情關 周家怡曾愛得盲目變奴隸被嫌棄

{{hket:ul-video id="10821"}}{{/hket:ul-video}}

{{hket:inline-image name="LKJM.jpg"}}{{/hket:inline-image}}

陳少邦在IG分享跟袁偉豪當年刊登《YES!!》雜誌封面的照片，更在拍攝《反黑英雄》時「復克」同一姿勢同動作，對比之下，兩人的樣貌變化不大，由昔日的青澀小伙子，事隔27年，大家都成為有型有成就的男演員、好爸爸，少邦留言說：「《反黑英雄》係我哋咁多年嚟第一套真正多對手戲同感情嘅一套劇，喺中學時代yes校草到爸爸時代嘅《反黑英雄》，非常之值得紀念 #反黑英雄 #yes校草 #新法書院 #大鬼」

陳少邦接受本網電話訪問，他表示：「當年校花校草比賽輸咗畀佢啦，佢攞冠軍嘛！當日我仲好記得佢自彈自唱《Yesterday》，但我細個淨係識做運動，才藝表演得打籃球，咁樣相比一定輸啦，同埋我個壞人樣點會當選。讀書時代雖然我大佢一年，不過大家一齊打籃球，好老友，佢有個妹喺學校，勁融洽，梗係冇眼紅佢！」提到當年靚仔程度不輸袁偉豪，他笑言：「咁當年係籃球校隊，點都有少少女仔睇，去補習都收到少少情信囉！始終當時《YES!!》雜誌真係好受歡迎，大家都會認得。」他表示雖然失落校草獎項，但意外開啟他做演員之路，他坦言見謝霆鋒16歲入行，加上自己讀書成績不太好，畢業後希望找工作，所以投考藝員訓練班入行。

{{hket:inline-image name="OI.jpg"}}{{/hket:inline-image}}

{{hket:inline-image name="PO.jpg"}}{{/hket:inline-image}}

{{hket:inline-image name="UJ.jpg"}}{{/hket:inline-image}}

{{hket:inline-image name="YH.jpg"}}{{/hket:inline-image}}

少邦表示初入行時期跟袁偉豪都有合作拍電影《偷吻》，後來由於加入TVB的時期不太重疊，所以未有合作機會，直至少邦近年重返TVB，跟袁偉豪有同劇但不同場，反而今次《反黑英雄》就真正「重聚」，劇中演江湖「兄弟」，「識咗咁耐冇合作，今次係幾過癮，劇入面同佢有好多恩怨仇恨，又會有好多爭執同感情戲。戲外我哋好多嘢傾，因為當時佢準備做爸爸，大家就不斷傾爸爸經，大家同時疊期拍《法證先鋒VI》，兩套都傾到雞啄唔斷。」

撰文：娛樂組