唱作歌手Yoona出歌諷AI創作冇靈魂 以往作品曾被前輩Gin Lee睇中採用

今年香港樂壇全能型歌手Yoona，能歌擅舞，還懂作曲填詞，正式出道。其實她來頭不小，不少圈中前輩歌手們都曾經用她的作品。歌曲以AI做主題，審視新興的AI技術用來創作，究竟會不會有溫度，為樂迷帶來情感交流。
 

 同場加映：無人之境│周國賢離婚後未有膽量再闖情關 周家怡曾愛得盲目變奴隸被嫌棄 

{{hket:ul-video id="10821"}}{{/hket:ul-video}}

{{hket:inline-image name="0a.jpg"}}{{/hket:inline-image}}

早前李幸倪Gin Lee推出的《告別煤氣燈》，便是出自Yoona的手筆。Yoona過去曾與友人參加Addoilmusic舉辦的《第四屆敢作敢唱原創歌曲比賽》並獲得亞軍，因此認識了曾創作經典金曲古巨基《愛得太遲》的監製楊鎮邦Bryan。Bryan十分欣賞Yoona的才華，更一直鼓勵Yoona嘗試創作，在最近，二人合寫的作品獲得Gin Lee採用推出，成為單曲《告別煤氣燈》。有人欣賞自己的作品，Yoona為此而興奮不已，她說：「聽到首歌面世嗰一刻覺得好興奮、好神奇，好似完成咗我人生第一個好重要嘅Achievement!」除了為別人寫歌外，Yoona喜歡透過音樂表達自己想法。今年正式出道，Yoona也選擇以一首探索在AI世代，人類如何面對創作挑戰的歌曲《Hallucinate》跟樂迷首度見面。

{{hket:inline-image name="DSC02097e.jpeg"}}{{/hket:inline-image}}

歌曲由Yoona與Bryan合寫曲詞，「Hallucinate」一字原本解作「似乎看到、聽到、感覺到或聞到」一些不存在的東西，通常是指因為健康狀況或因為服用了藥物而產生的幻覺，但如今Hallucinate多了一個額外含義，新增註解是「當AI製造幻覺，它會產生錯誤訊息」。

去年，劍橋詞典將Hallucinate選為年度代表生字，因為新含義觸及了人們為何正在談論AI的核心。Yoona介紹歌曲道：「《Hallucinate》想諷刺大企業利用人類創作者嘅靈感同已有作品，作為訓練AI嘅數據，亦都質疑呢啲行為有冇經過授權。另外，呢首歌探討究竟AI有冇意識，佢哋冰冷嘅機械式創作，係咪可以被視為真正嘅創意？我哋亦都希望透過呢首歌，引起大眾多啲關注我哋創作者面臨嘅侵權問題。」

{{hket:inline-image name="DSC01362e.jpeg"}}{{/hket:inline-image}}

《Hallucinate》中兩句歌詞：「意識誰界定 / 揭開作品觸不到指令」，正道出了Yoona滿腦子的疑惑，她說：「我哋用生成式AI，例如ChatGPT，已經可以即時創作好逼真嘅圖像、影片甚至音樂，但係呢啲都係AI產生幻覺而得出嘅作品。究竟我哋點樣分辨AI有冇意識？我哋又可唔可以完全依靠佢嚟創作作品呢？呢兩句歌詞可以帶我哋反思呢啲問題。」

為了突出《Hallucinate》的主題軸心，歌曲MV亦講述一個大企業利用前練習生的原創作品和容貌，製作一個AI創作歌手，前練習生為了揭發內幕，於是化身記者，直接與一班高層對質，而Yoona就在MV中一人分飾兩角，飾演AI歌手和練習生。第一次拍攝MV，所有事情對於Yoona來說都十分新鮮，當中還包括與高層對質的一幕，她道：「呢幕係講我飾演嘅練習生走上門搵佢哋當面對質同埋發癲，但係我從來無試過喺咁多人面前發癲！一開始都有啲擔心，但係導演同演員都非常專業，教我點樣演戲，同埋不斷鼓勵我，最後呢一幕都拍得好好睇，大家睇MV時可以留意下。

首次推出歌曲加入樂壇，Yoona坦言十分感恩遇上好的團隊，令她無懼勇闖樂壇，她道：「好開心、好感恩有一班咁好嘅製作團隊嘅幫忙，一齊做好呢個作品，未來我會繼續創作R&B、跳唱作品，希望可以俾大家見到我唔同嘅面貌。」