泳兒布吉大解放泳衣大騷澎湃上圍 與拍拖12年男友叉電不忘放閃

香港近兩個月都密密落雨，見到陽光感覺媲美要中六合彩，要享受夏天的陽光與海灘是不少港人的期盼，歌手泳兒平日要錄音、宣傳及登台等，工作忙過不停，難得放假都特別飛到泰國布吉歎歎，更孖男朋友一齊無邊泳池歎Floating早餐，大方曬三點式泳衣，泳兒著泳衣，絕對「有睇頭」！

同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下

{{hket:ul-video id="10800"}}{{/hket:ul-video}}

{{hket:inline-image name="wee.jpg"}}{{/hket:inline-image}}

{{hket:inline-image name="rff.jpg"}}{{/hket:inline-image}}

泳兒近日在社交平台分享自己在布吉渡假的「風涼」照，平日因歌曲比較喜歡暗黑造型的她，穿上黑色泳衣性感大解放，難掩豐滿上圍的好身材，跟男友泳池邊曬太陽，一邊戴住黑超浸住泳池水，一邊Hea歎Floating早餐，泳兒留言說：「二人成行，快閃叉叉電。純粹諗住休息兩日，所以主要都係留喺個Villa度，佢有個app勁好，可以透過佢call酒店嘅車，車你去酒店嘅設施，同frontdesk溝通，同埋Make Bookings等，唔使成日打電話，對於唔鍾意打電話嘅我係幾好嘅，仲可以叫外賣幫你送到去你個Villa。The Meka Sky Lounge d 野（啲嘢）勁好食，佢下午四點幾先開場。我估主要俾人360度睇日落，所以記得太陽落山前就好去啦，唔好好似我咁Miss咗，想玩水泡，要喺出面自己買。」

泳兒跟髮型師男友Ziv拍拖長達12年，愛情長跑的感情穩如泰山，多年來被催婚無限次，泳兒的社交平台平日多數都係分享工作相關的靚相，感情方面較低調，難得今次大方「放閃」，不少圈中好友和粉絲們都大讚甜蜜。

撰文：娛樂組