與郭晉安離婚後首開腔丨歐倩怡40歲經歷死過翻生有感悟 認玩交友App識男仔：讀書多嚇親人

歐倩怡（Cindy）和結婚17年的郭晉安於上月2日在社交平台宣布離婚的消息，令整個娛樂圈大感驚訝，安仔和Cindy隨後都保持沉默，直至5月底安仔為電視劇《金式森林》開鏡時，親自提到子女由他照顧，但就對於分手的原因就沒有多提，只稱已分居兩年，生活改變已慢慢習慣，仔女都接受了一切。事隔半個月時間，Cindy接受「Chill Good」YouTube Channel訪問，以「離婚當自強」為題開腔談及回復單身一事。

同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下

{{hket:ul-video id="10800"}}{{/hket:ul-video}}

金式森林丨郭晉安分居前轉讓股分歐倩怡知情 擁仔女撫養權：小朋友都好明白【下一頁】

{{hket:inline-image name="Sna.jpg"}}{{/hket:inline-image}}

Cindy在訪問中表情多多，而且笑容燦爛展現開朗的一面，似乎未有受離婚的事影響心情。Cindy曾經做全職媽媽，但不斷進修考到不少學歷及牌照，她說：「始終有嘢要犧牲，人人都係得24小時，首先要捱眼瞓...以前小朋友要車出車入，一日瞓4個鐘，我仲要一天八次揸車來回西貢同九龍，時間同油錢都幾大件事。」她表示希望可以再考瑜伽導師牌，試試40幾歲人可否做拱橋動作。

訪問遲遲未有提及「離婚」一事，蝦頭楊詩敏提到Cindy的感情關係轉變，但Cindy反而大方認有結識新男士，她說：「唔知有冇聽過，女人真係唔好讀太多書，真係有啲男士係會驚你，講個秘密畀大家知，最近開始玩交友App，profile寫自己咩咩咩，勁得濟係嚇親人，所以盡量簡單啲！不過原來鍾意運動嘅女人，係原來多啲人like。」她表示交友App認識六位男士見面，其中一人連續爽約兩次，嬲得佢即時封鎖對方，她說：「我係有約會佢哋，我係實驗性質，唔係為識男仔而識男仔，我16歲開始入娛樂圈，我個世界都係娛樂圈入面嘅人，近呢一年喺中醫診所打工，開始接觸呢個社會，但其實好多人際關係、社交手腕等，以前都係靠晒經理人，呢方面我係好渣。所以，其實我係想睇下呢個世界，唔同行業既人做緊乜。」她笑言App入面超靚仔的大多數都是「伏」，反而自己約樣貌較平凡的，暫時都可以繼續做朋友，她笑言：「好多一出嚟都會扮唔認得我，後來又不斷搵鏡頭以為會偷拍。」

郭晉安毫無預警宣布與歐倩怡離婚 相距16歲婚姻曾陷冷戰：無奈又艱難【下一頁】

Cindy表示對感情隨緣：「冇所謂，有啲七老八十先遇到真愛喺埋一齊啦，緣份擋唔住，要走又挽留唔到，人生就係離離合合，生老病死。變成而家呢個（豁達的）我，因為我40歲有一個經歷。」Cindy透露自己2019年12月由於重感冒大病一場，不斷發燒睇三次醫生都未能康復，在睡夢中有個神奇的經歷，「凌晨大約兩、三點，突然感覺到我左手，由中指好似觸電咁去到身體，突然感覺唞唔到氣，好大力想吸但吸唔到，大家唔好以為我講鬼故，唔係！我坐係起身，拍我旁邊嗰個人，我話我唞唔到氣，幾乎我講唔到嘢，佢話唔好玩啦，繼續去瞓覺。當時每一秒都覺得好漫長，佢後來見到我唔對路，上網睇資料睇睇係咪call白車，後來搵到叫我用片糖沖熱水畀我飲，當時我真係去到失禁，周圍都係，去到嗰刻，我覺得自己應該唔得呀喇。」Cindy表示當刻只想起一對仔女，開始求上帝希望多要幾年命，自己還有很多事未做，「當時我個頭塞入痰罐入面，因為佢嚇我會嘔，點知第二朝醒番將個頭拎番出嚟，就入醫院留醫，照晒肺片個肺直情冇咗一忽，嚴重肺積水，身體好似8、90歲咁，一次過肺炎、肝炎、腸炎同尿道炎，淨係食藥都醫半年，唔知咩菌...」

她表示該次事件後，令她感悟到生命脆弱，人應該及時行樂，她就抓緊自己宗旨，推廣營養學，希望大家都能夠精神、健康去活到老、靚住老去。

撰文：娛樂組