許廷鏗肝指數嚴重超標食出商機 病從口入網民見「痛風餐」腳軟

許廷鏗（Alfred）開設YouTube頻道「鏗gry廚房」，帶觀眾尋找美食，日前佢喺影片中即席做健康檢查，揭發自己嘅健康隱憂。

同場加映： 父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下

{{hket:ul-video id="10800"}}{{/hket:ul-video}}

為食嘅Alfred亦親自上陣試食，一開始佢就同朋友去到自己大推嘅拉日式麵店介紹，片中佢仲食神上身，教大家點食先係最招積。Alfred都承認自己為食，仲為健肝產品賣廣告，指大飲大食之前要打個底，佢心虛表示：「我就唔諗住食得特別清。」、「放棄晒我最鍾意食嘅嘢係有啲難度，我想繼續happy落去，就乖乖地食啲保健品，我唔想因為我嘅肝臟有事而唔可以繼續享受美食。」

{{hket:inline-image name="13.png"}}{{/hket:inline-image}}

之後Alfred應健肝產品商邀請檢查肝臟情况，幫佢檢查嘅醫護人員就話佢唔肥又唔瘦，檢查時都冇咩障礙，不過原來佢肥晒喺入面，醫護人員表示：「你肝臟指數係323，一般而言指數280以上已算犀利，係肥肝狀况。」Alfred聽到都話覺得好「敏感」：「我係咁聽到肥肝，好似我個花名咁。」

醫護人員指Alfred嘅肝軟硬度則屬正常範圍，但就要注意飲食同做多啲運動：「過多糖分及膽固醇，身體吸收唔晒，就會儲落個肝，同埋要多運動，要多多注意。」Alfred都好關心自己要幾耐之後再check，醫護人員就表示佢呢類都要半年check一次，一般人都應該要一年做一次檢查。

{{hket:inline-image name="36_600.jpg"}}{{/hket:inline-image}}

唔少網民都留言笑Alfred「肥肝」，又表示雖然好鍾意睇佢食嘢，但都好想佢身體健康：「有冇人覺得睇Alfred食野好治癒，不過知道佢食到有肥肝有啲擔心喎……」、「肥肝真係擔心你，你喺英國都係咁食，真係要護肝。」又有人表示Alfred除咗肝之外都要注意其他健康問題，因為佢第一餐海鮮餐令人睇到都腳軟：「第一餐拉麵擺明係痛風餐。」

圖片來源：影片截圖