《潮什麼》旅遊達人丨梁芷珮旅行社遇電騙險失9萬元 斥借慈善呃錢：良心過意得去咩？

梁芷珮（Christy）主持《潮什麼》系列的旅遊節目大受觀眾歡迎，特別是她跟老公Kenneth孖公仔一手包辦拍片、講稿、出鏡及剪接等等，帶大家去非洲、南極、北極、沙地阿拉伯等等冷門旅遊區，原汁原味令電視觀眾放眼開世界。除了拍攝旅遊節目外，Christy和丈夫都成立了旅行社「潮友自由行」（HipSter Tour），親自帶團到訪歐洲及非洲等地。

同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石

{{hket:ul-video id="10755"}}{{/hket:ul-video}}

巴黎奧運丨梁芷珮再拍「鮮肉」飛巴黎拍攝 出賣老公黑圖力證拍《潮什麼》瘦晒【下一頁】

{{hket:inline-image name="oi.jpg"}}{{/hket:inline-image}}

{{hket:inline-image name="po.jpg"}}{{/hket:inline-image}}

近日，Christy驚揭旅行社竟然遇到騙案，故事更相當曲折離奇，她表示：「今日，我嘅旅行社同事同我講，有人冒認一間香港好知名嘅學校，搵我地quote包團，咁我同事照跟住佢嘅要求做咗好多文件，報價等步驟send 比佢，而嗰個聲稱學校嘅同事話，佢哋仲想買啲啲床褥捐比慈善團體，叫我地入錢比佢地一齊做，跟住，我聰明嘅同事覺得唔對路，立即打返去嗰間學校問吓有冇呢個人，有冇呢件事，點知學校竟然話冇，係騙局！好彩冇上擋（當），可能佢以為用慈善去呃人好容易，但咁樣呃到人，自己嘅良心過意得去咩？大家真係要小心，最近太多騙案！」

Christy接受本網電話訪問，她表示向同事了解過，騙徒向旅行社要求花9萬元買床褥，聲稱會以12萬購回，更提供床褥的品牌及圖片，一買就買50張，更提供Invoice要求入錢，幸好同事機警，她說：「真係好誇張，對方絕對係專業騙徒，事前仲有做功課，因為同事問佢點解學校唔使招標，佢識得答五萬蚊樓下唔使招標，希望冇人上當啦！仲要我有時都會做吓義工，慈善嗰啲，陣間我同事以為真係啲慈善嘢就慘！」

梁芷珮曬20年前結婚相網友震驚 解鎖新旅遊國家浪漫睇日落【下一頁】

{{hket:inline-image name="chr1.jpg"}}{{/hket:inline-image}}

{{hket:inline-image name="jn.jpg"}}{{/hket:inline-image}}

留言區有不少網友都表示遇過類似的騙案，同樣都是買床褥，真的相當離奇，而《東張西望》曾經在去年7月都有報道過類似的個案，有騙徒假扮學校老師訂雜貨，以假收據扮入數50萬，後來又聲稱又買入床褥作慈善用途，最終揭發原來是騙案。

撰文：娛樂組