陳詩欣過萬元愛馬仕鞋變最強門塞 「Hermès殺手」曾險毀朋友珍藏

前TVB小花陳詩欣（Eunice）2021年嫁富貴老公陳爾正（Joshua）後，一直過著闊太生活，不時大曬名牌手袋，尤其更是Hermès忠粉，擁有不少收藏。日前陳詩欣因一時大頭蝦，令心愛的愛馬仕靚鞋2秒報廢，令她大呻肉赤。］

同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石

{{hket:ul-video id="10755"}}{{/hket:ul-video}}

陳詩欣一直是忠實「馬迷」，經常一身富貴行頭，又收藏多款愛馬仕手袋，包括Birkin、Lindy、Evelyne、Kelly等等，她亦曾大方分享自己的配貨，包括一大堆名貴愛馬仕餐具及水晶馬等。兩公婆亦經常出入「馬場（專門店）」，老公Joshua亦愛戴富貴得來低調的H牌Cap帽。

{{hket:inline-image name="oNNRL8Xz7BQY3IU0HkGxGYf-END9cBZs-GNiGfhjYhk.jpg"}}{{/hket:inline-image}}

日前陳詩欣外出時，因為一時手快快，竟然整爛腳下愛馬仕靚鞋。她上載短片，只見她跪地扶實玻璃門，又嘗試拔出攝在門罅的黑色皮拖鞋，但未能成功。她寫道：「今日去家姐舖頭，懶係快咁除鞋之後閂門，結果我對鞋攝住咗…攝到好實！點算好？？在線等。」及後她表示：「對鞋已經爛咗，而家門又閂唔到，鞋又拎唔到。」最後她都取回鞋子，可惜鞋墊的皮革已經破損：「呢對鞋真係我的最愛…雖然你爛咗，我依然愛你。」原來這對黑色銀扣皮革拖鞋是愛馬仕出品，盛惠$10,200，難怪她如此肉赤！

{{hket:inline-image name="2.jpeg"}}{{/hket:inline-image}}

{{hket:inline-image name="1.jpeg"}}{{/hket:inline-image}}

{{hket:inline-image name="3.jpeg"}}{{/hket:inline-image}}

{{hket:inline-image name="4.jpeg"}}{{/hket:inline-image}}

陳詩欣的烏龍事絕對不止一件，她隨後分享自己弄污別人的愛馬仕毛氈！她寫道：「我都唔知點解呢啲咁嘅事成日喺我身上發生，可能我個人真係比較…有邊個會諗到我飲杯太興嘅奶茶，成杯奶茶會倒咗落去人哋屋企新買的H毛氈上，嚇到當時的我鼻哥窿都冇肉。我第一時間唔係諗錢的問題，而是喺度諗我點樣可以買返一條咁靚淺灰色的毛氈（大家都知道一條咁熱門的毛氈真係好難買），好彩最後乾洗成功，我幫大家實測咗奶茶係洗得甩㗎，報告完畢。」

圖片來源：IG