流行都市丨馮盈盈Chok淑女聲分享港姐心得 林秀怡疑笑作狀狂窒：你真係好優雅

過往言論出位、大癲大肺的馮盈盈，近年完成碩士課程後忽然180大轉變，變成斯文淑女。近日她現身節目《流行都市》宣傳港姐招募，chok足一把「面試聲」分享選美心得，不過主持林秀怡似乎唔太習慣盈盈新形象，忍不住笑笑口「大讚」盈盈夠優雅，更刻意扮對方的坐姿。

同場加映：馮盈盈否認為嫁豪門進修碩士 望成出色女性：提升修為最重要

{{hket:ul-video id="10669"}}{{/hket:ul-video}}

馮盈盈、陳曉華、莊子璇、王怡然及陳曉彤日前現身《流行都市》，宣傳港姐選舉，近來經常拍片分享讀書心得、人生道理的盈盈，以純白連身裙優雅現身，坐姿勁斯文，雙腿緊貼向左靠攏，雙手交疊放在膝頭上，全程淑女微笑，跟過往的「是非精」MK妹形象完全不同。

{{hket:inline-image name="4.png"}}{{/hket:inline-image}}

盈盈分享時，語氣一樣勁優雅，似足演講：「我覺得作為一個女性，特別係香港女性，最自豪就係有香港小姐。」說時，鏡頭外竟有一把女聲忍唔住笑。盈盈強調香港小姐美貌與智慧並重，又分享邊拍戲邊讀書的心得：「從香港小姐中學到，當年參選嘅時候，喺過程之中明白到，點樣可以喺高壓力嘅環境下都要保持優雅啦…」此時林秀怡打斷盈盈問道：「你真係好優雅呀，點樣可以做到？」更即場扮盈盈挺胸收腹坐到直一直的坐姿，似乎暗窒對方。

{{hket:inline-image name="2.png"}}{{/hket:inline-image}}

{{hket:inline-image name="1.png"}}{{/hket:inline-image}}

不少網民睇唔慣盈盈的斯文形象，直指盈盈的聲調語氣作狀：「講嘢個tone 都唔同晒，好作狀」、「都係鐘意佢豪放mode多啲」、「佢依家好刻意扮斯文」、「好似選議員」。有網民認為同場的陳曉華說話「似番正常人tone」，感覺自然可愛。

{{hket:inline-image name="08_600.jpg"}}{{/hket:inline-image}}

盈盈早前接受本網專訪，曾就形象大轉變解畫：「至於好多人問以前大癲大肺個馮盈盈去咗邊呢？其實同我熟絡嘅家人同朋友都知，私底下我說話真係唔多，同鏡頭前反差好大，係近年心態上放鬆咗，又有足夠自信去表現自己，將大家睇唔到嘅一面展示出嚟。」

圖片來源：IG、網上截圖