神耆小子丨羅毓儀古惑妹多多撞款路小小 一晚連踩三劇：唔知觀眾鍾意邊對？

羅毓儀（Yuki）昨晚橫跨黃金時段三線劇集，雖然8點半《逆天奇案2》飾演林夏薇童年的戲份較早前已播出，但勉強計埋，Yuki都相當難得一次過連踩三線劇集。除了薇薇童年外，還有《愛回家之開心速遞》的路小小，以及《神耆小子》中的多多。

同場加映：Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力

{{hket:ul-video id="10594"}}{{/hket:ul-video}}

{{hket:inline-image name="ansdn.jpg"}}{{/hket:inline-image}}

{{hket:inline-image name="ksd.jpg"}}{{/hket:inline-image}}

{{hket:inline-image name="asdjmm.jpg"}}{{/hket:inline-image}}

27歲的Yuki自從在《下流上車族》飾演蔓蔓一角之後，逐漸廣為觀眾認識，不過礙於童顏的外表，令她所演的角色大多數是女主角的童年或者學生妹，發揮都有所限制。不過昨晚出現一晚三套劇都有Yuki份的局面，先是《愛回家》中的路小小由於經濟出現問題，所以打算向Terry（李偉健飾）投懷送抱，可惜Terry心入面只有Fanny（張盈悅飾），路小小決定從中作梗，扮教Terry追女仔秘笈而親近對方。雖然Terry依然一往情深，但路小小已下定決心往後要繼續跟Fanny「爭仔」。

其實過往路小小的角色雖然是常駐，但出現率不算高，後來獲安排在共享空間開「狗仔社」，跟不少劇中年輕演員有對手戲，由於她的角色有少少古惑，經常整蠱熊尚善（滕麗名飾）及龍家上下等等，非常精叻又可愛。而Yuki在《神耆小子》中飾演的多多，有不少觀眾認為角色跟路小小有相似的地方。

Yuki接受本網電話訪問，她表示：「如果計埋《逆天2》客串個角色，我都算第一次三段劇集時段都有份演出，好開心有咁嘅機會。不過我都好擔心觀眾喺三個時段都見到我，到時唔想見到我老是常出現，但係我又好鍾意出現喺大家面前，心情好矛盾。（多多似路小小？）暫時係㗎，但係去到後面多多會唔同啲，佢嘅好就會慢慢浮現出嚟。坦白講，我都好緊張大家嘅反應，因為呢套始終都係計《下流上車族》之後第二套最重戲嘅劇，同埋第一次有一條正式嘅感情線，喺呢套劇都真係有好多新嘅嘗試。」

至於《愛回家》的感情線，Yuki透露路小小將會繼續爭奪Terry，「路小小一向性格有少少邪惡，係小惡魔咁，性格又拜金，梗係睇中Terry啲錢，路小小會繼續搶Terry，未來《愛回家》都會多啲曝光。我都好有興趣想知道到底觀眾會鍾意路小小同Terry多啲、定係金多多同趙一鳴多啲，可以搞個投票！」Yuki坦言除了電視劇外，自己在音樂上面都有不同的發展，「其實呢排忙到冇時間睇番自己啲劇，而家喺度練緊結他同埋唱歌，因為嚟緊15號有個電車巡遊演唱，心情好緊張，到時我會扮小忌廉唱歌表演，希望唱歌呢方面都同樣得到大家支持！」

撰文：娛樂組