逆天奇案2丨魏子樂效應令女兒同學都嗌驚驚 張頴康感激太太教育小豆以爸爸為榮

《逆天奇案2》收視口碑都有不錯的成績，今日劇組率領主要演員舉辦祝捷會，總監製劉家豪表示劇集在香港和內地都有好好的收視佳績，值得慶賀。其中「唐冠峰」方力申和「魏子樂」張頴康的溝通之間，不少觀眾都開始洞察到「有啲嘢」，他們的角色竟然被形容為「CP拍檔」，兩人更公開嘴咀，認真夠晒Sweet！

同場加映： 中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣

{{hket:ul-video id="10464"}}{{/hket:ul-video}}

{{hket:inline-image name="20240415173654_1e2eec48586a9237112b25596134232e1d512784.jpeg"}}{{/hket:inline-image}}

{{hket:inline-image name="20240415173701_9644f784d897b134931df0823442a41df24e88dd.jpeg"}}{{/hket:inline-image}}

 《逆天奇案2》踏入第三星期，劇情越來越緊張，網友們開始估計教授唐冠峰（方力申飾）跟魏子樂（張頴康飾）應該是背後有可能策動危機的陰謀，劉家豪今日活動上笑言兩人的關係被網友形容為「CP」，兩位男士即場作狀咀嘴，認真搞笑。今日，張頴康在FB留言說：「早兩晚食食吓飯，小豆突然同我講 ，佢有個同學問佢：『你爸爸咁恐怖，點解你仲可以同佢一齊住？』（我其實當下好擔心，小朋友會因為阿康演出嘅角色太投入而影響到小豆嘅社交）點知小豆若無其事秒回：『我媽媽發惡嗰時我仲驚呀，我爸爸冇乜嘢吖！』原來，天下嘅媽媽咆哮發起惡上嚟，比魏子樂更恐怖！#魏子樂vs教功課時的媽媽 #哪個比較可怕」

{{hket:inline-image name="20240415173648_3a745384445cee33f4a9cfa03a09f3a27fb8fcd7.jpeg"}}{{/hket:inline-image}}

{{hket:inline-image name="2024.jpeg"}}{{/hket:inline-image}}

張頴康跟太太麥雅緻今日接受本網訪問，麥雅緻笑認篇文是她打，「一向都有照畀小豆睇劇，盡量解說，佢由《一屋老友記》已經睇爸爸啜呂慧儀，咁而家已經9歲，同劉佩玥好（Moon）老友，阿Moon上一輯同張頴康親熱戲真係最多，咁我哋都有教一教育佢，爸爸係演員，佢而家接受能力好高！」張頴康笑言：「小豆仲會扮魏子樂啲眼神，即係扮埋精神失常咁，完全唔會驚。」麥雅緻指小豆認為媽媽發惡時比魏子樂還可怕，而且作為媽媽的網友們都非常有同感，因為教小朋友功課真的會「嘔血」。提到網友擔心張頴康寫完篇文之後人頭不保，「唔係我寫，我都冇見過老婆呢一面，見親老婆都好想錫佢，應該係佢落咗降頭。」

 問到小豆同學怕魏子樂，張頴康會否減少現身學校接放學？他笑言：「接放學照去，啲同學就算驚，小豆都會負責去教育佢哋，佢好搞笑，有時街上面有人見到咩話：『張咩康話？』小豆就會大大聲回應：『張頴康呀！』，之後《法證先鋒IV》有一幕我跌落術死咗，隔籬屋個小朋友見到我以為見鬼，仲問小豆：「佢唔係死咗呀咩？』小豆就會解釋爸爸係演員，戲入面係假唔係真！我最開心係小豆對於爸爸呢個職業覺得引以為傲，唔會因為爸爸演壞人就退縮，因為佢清楚知道爸爸係演員唔係明星，冇呢個光環。」至於追問到魏子樂和唐冠峰的後續，張頴康指不宜劇透，他笑言：「後面仲有好多勁嘢，絕對唔止郁吓隻眼咁少嘢！其實方力申暗戀我好耐，BL劇嚟嘅，後來可能會畀機會佢，因為佢其實係阿Moon嚟。」

撰文：娛樂組