張繼聰行沙灘慘被認錯為張敬軒 EQ勁高：諗住叫投我男歌手一票

有些人可能未必知道，張繼聰與張敬軒其實是親戚，軒仔曾經公開表示張繼聰是其表舅父。二人樣貌完全不相似，不過張繼聰最近竟遭一班年輕人認錯是軒仔，重演「許志安杜德偉事件」！

{{hket:inline-image name="414697766_18408344851049646_2801604896457023552_n.jpg"}}{{/hket:inline-image}}

張繼聰在threads分享事件：「今日行沙灘，迎面行過一班後生仔，佢哋嘅反應？當然係見到名（明）星果（嗰）隻啦😏 然後我老婆聽到班年輕人話: 『嘩，張敬軒吖😍』我ok吖😌慣咗，森美大哥都係近排先冇再叫我軒仔。」

{{hket:inline-image name="404273329_1890516791346430_8278605151817725985_n.jpg"}}{{/hket:inline-image}}

後來，這班後生仔找張繼聰合照：「我仲諗住叫佢哋記得投我一票我最喜愛男歌手😂 好在佢哋話好鍾意睇《飯戲攻心》。不過當然都唔排除，佢哋以為飾演二佬嘅係軒仔😂🤦🏻‍♂️」他又搞笑tag了張敬軒並表示願做對對替身：「放心，下次有人再認錯我，我唔會特登喺佢哋面前講粗口😏😂仲可能會除衫，咁佢哋就會話張敬軒真人好斯文同埋好大隻。」

事後，不少網民留言取笑，連呂爵安（Edan）也湊熱鬧：「軒仔做咩唔剃鬚。」最後竟然有疑似其中一位「後生仔」，貼上合照「自首」：「冇諗過行沙灘都見到你🥹」有人則表示其七歲兒子見到張繼聰都一樣認錯，以為是鄭中基，認真搞笑。

{{hket:inline-image name="1.png"}}{{/hket:inline-image}}

要數最經典的認錯明星事件，就是2013年有市民遇到許志安並合照放上網，留言：「喺球場見到杜德偉先生，不過條友好寸，叫佢杜生都唔睬人。」當時更成為網絡熱話。另外，張堅庭亦曾自爆被一位女士當街稱呼做盧冠廷。

撰文：娛樂組
圖片來源：threads、IG