逆天奇案2丨麥玲玲演貴婦神槍手一槍爆頭殺敵 被殺巴金真實身分原來勁猛料

《逆天奇案2》播出兩集以來都驚喜連連，除了有不少「串星」客串之外，槍戰及打鬥戲連場，非常緊湊精彩。今次「連戲」的角色都有不少發揮，其中麥玲玲上一集飾演的貴婦霍太，今輯完美化身神槍手，昨晚一集在混亂槍戰中，超準確殺死卡農，不少網友笑指她比劇中的警察更加勁！

同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意

{{hket:ul-video id="10374"}}{{/hket:ul-video}}

{{hket:inline-image name="0abc28f8-0b16-41d9-a5ae-c3b987d27e22.jpg"}}{{/hket:inline-image}}

{{hket:inline-image name="e8e9452a-295d-40b7-b343-4ecb7549133f.jpg"}}{{/hket:inline-image}}

玄學家麥玲玲今次在《逆天奇案2》中繼續飾演貴婦霍太，由於有恐怖襲擊牽涉到哈多爾近衛隊，警方派出森Sir（陳展鵬飾）及Nic Sir（黃智賢飾）上門調查她跟哈多爾國家之間的關係。雖然表面夭口否認，不過沒想到原來霍太透過羅薩將軍聯絡近衛隊，起初打算將近衛隊投誠向巴金（Reggie Martin飾）殺害他的眼中釘，沒想到近衛隊在見面時出手殺害巴金，引發槍戰。麥玲玲首次挑戰揸槍的戲份，見她表情非常兇狠，手起槍落超準確殺死巴金的保鑣和近衛隊卡農。相反，隨後森Sir同Nic Sir趕到，在追捕仍然在逃的伊度時，反而兩人用盡槍入面的子彈都打不中伊度，最終要埋身肉搏，幾個打一個先夠打。網友留言說：「勁呀，麥玲玲識開槍！」、「笑死，麥玲玲一槍ko恐怖分子！」、「霍太仲勁過曬班飛虎、G4同重案，得佢可以一槍爆頭恐怖分子」等等。

談到劇中動作場口，玲姐姐笑言難度不高，皆因自己一向有做開運動：「揸槍梗係好玩，我鍾意拍劇就係因為可以做到現實中冇可能做到嘅嘢，今次玩得好開心！當然現場有武指教我點樣開槍嘅，唔好睇我咁嘅身形，由於我有做開運動，好似跑步、拎住啞鈴跳舞咁，所以都幾靈活架。」玲玲姐續指今次拍攝最辛苦，反而是要適應拍攝環境及氣溫：「今次辛苦在天氣好熱，又要去一啲石屋。我記得拍嗰日仲落雨，又濕又多泥，喺泥地根本行唔到，好『呢HEA』，同恐怖分子傾嘢嗰間屋哩，老鼠、曱甴咩都有，唔係講笑！雖然辛苦，但見到成效好就會好開心。」

{{hket:inline-image name="VS--myTVSUPER-28534360_16_.jpg"}}{{/hket:inline-image}}

{{hket:inline-image name="VS--myTVSUPER-28534377_57_.jpg"}}{{/hket:inline-image}}

{{hket:inline-image name="VS--myTVSUPER-28534378_08_.jpg"}}{{/hket:inline-image}}

至於今次麥玲玲再次自掏腰包準備戲服，她說：「今次所有衫都係自己特別搵人做，本來家豪哥話其中一套要有條褲，但我覺得自己唔會着得好睇，倒不如做裙褲。」玲玲姐又指由於自己身形與一般女藝人有差異，在不想麻煩服裝部同事情況下，才另外找人度身打造，並感激相關同事全程予以配合及溝通：「Cindy（服裝同事）話要咩款式，我就搵人做，佢哋都有要求架，好以有啲衫要釘珠咁，咁其實for我嚟講都係好好玩嘅。」

而劇中有不少演員都熟口熟面，巴金就是其中一人，飾演巴金的Reggie Martin除了是黑人演員外，真實身分是澳門威尼斯人酒店的高層，過往跟不少明星偶像合照打卡留念，令他的IG擁有432萬Followers，相當受歡迎。Reggie Martin跟碧咸、王嘉爾、陳奕迅、G-Dragon、古天樂、BIG BANG、BLACK PINK、Beyonce、Mariah Carey、林峯、范冰冰等等世界各地頂流的藝人都有合照，而早年更一度跟薛凱琪傳出緋聞。

撰文：娛樂組