林盛斌自責太忙未能陪子女度假 收老婆短訊獨自喺酒店感觸落淚

林盛斌（Bob）的棟篤笑《The Bobfather》大受歡迎，近年密密在內地及世界各地舉行巡迴演出，近日復活節假期，Bob的三女一仔全部放假，可惜Bob因要飛到馬來西亞工作，未有機會陪仔女去玩，心裡自責的他收到老婆黃乙頤（Pearl）的短訊，不禁在酒店流下男兒淚，非常感觸。

同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意

{{hket:ul-video id="10374"}}{{/hket:ul-video}}

{{hket:inline-image name="402641296_897769548380380_1497205865716327668_n.jpg"}}{{/hket:inline-image}}

{{hket:inline-image name="374769986_858066282350707_3362352977128472730_n.jpg"}}{{/hket:inline-image}}

Bob的太太Pearl趁復活節假期，帶同四名子女一齊去Camping，她表示：「我好鍾意帶佢哋去戶外玩，最鍾意就係去camping，一來可以比佢哋見多啲大自然，唔好睇住個iPad；二來佢哋都學到自己照顧自己。近嚟仲多個好處，就係可以同啲朋友深入了解。有機會嘅話，真係要多啲走出去！P.S 雖然聽日你已經開始要溫書做功課」而身在馬來西亞的Bob收到太太Pearl的短訊竟然獨個兒在酒店落淚。

Bob將他跟太太的Whatsapp對話截圖，並分享到IG，他說：「一個人喺間酒店房度，一路睇住佢講嘢，一路流緊眼淚，真係好有電影感。老婆，感謝妳努力照顧屋企。」Whatsapp對話中，Pearl表示參與Camping的其他家庭，只有他們一家沒有爸爸出席，她起初都擔心仔女的心情，曾試圖想開導他們，沒想到仔女反應令她大感安慰。Pearl對Bob說：「我哋去Camping嘅時候，我問過啲細路，佢哋一致表達非常感激你用咁多時間建立事業，比（俾）到好穩定嘅生活佢哋。因為我哋去Camping嗰度，全部爸爸都喺度，得佢哋冇爸爸。本來想疏導下佢哋，點知佢哋全部覺得冇問題。佢哋咪就完全冇覺得自己個爸爸冇喺度有咩問題，唔會覺得爸爸好衰，冇陪佢哋，因為爸爸努力工作。細佬好直接咁講，完全冇覺得爸爸冇陪，佢淨係覺得爸爸喺度嘅話一定會陪佢。所以你嘅努力係有回報㗎！至少喺大部分人覺得努力工作忽略咗家庭嘅時候，你可以兩者兼得。開心啲啦，佢哋都期待你返嚟！」

{{hket:inline-image name="354162634_1324344138462679_4078405282406363063_n.jpg"}}{{/hket:inline-image}}

Bob一邊回覆太太，一邊留言說：「突然好想喊添！都辛苦你照顧佢哋，我好都好感激你！」他繼續自責回港後很快又要離開，可能要下星期才有空陪伴仔女，Pearl說：「好小事啫！佢哋下個禮拜都好忙！生活就係咁，少少甜，少少苦，加一啲辣！」不少網友都認為這次夫妻對話非常溫馨又感動，洪永城留言：「你係一個好全面嘅爸爸」，Coffee林芊妤說：「你有個懂事又細心又溫柔體貼嘅絕世好老婆，加油Bob！」，而容祖兒、孫慧雪、張寶兒、莊思敏等都留言稱非常感動。

撰文：娛樂組