全民造星V丨香胤宅Lyman愧對粉絲親解未簽約苦衷 用舞蹈說故事流露對太太愛意

《全民造星V》冠軍香胤宅（Lyman）久久未有動筆跟MakerVille簽約，反而亞軍黃家灝（KC）及季軍陳鎮亨（亨仔）都各有發展，拍攝綜藝節目或組團出歌，在樂壇蓄勢待發。Lyman宣布4月將會舉辦首個個人舞蹈表演《Unspoken》，他直言自己有一定年紀，考量的條件會比較多，他感激粉絲「提子」們的耐心等待，希望自己找到喜歡的路發展演藝事業。

{{hket:ul-video id="10374"}}{{/hket:ul-video}}

Lyman首個個人舞蹈劇場《Unspoken》將於2024年4月26日起假香港藝術中心壽臣劇院隆重舉行12場演出，特別邀請《全民造星V》導師韋羅莎的丈夫、舞台劇導演張銘耀（German）一齊創作，並由German擔任監製及導演，以舞蹈、音樂、錄像和舞台效果帶領觀眾走進一個充滿強烈色彩、澎湃情感、撕裂矛盾的獨特世界。Lyman表示：「我一向都係跳舞出身，作為舞蹈員，呢個係我最舒服嘅表演語言。自從《全民造星V》後咁大型演出，我真係好緊張，我化咗妝，如果唔係你會睇到我爆咗好多暗瘡，而且把聲都沉咗，鬍鬚都生晒出嚟，代表我真係有啲攰，不過同時覺得呢個挑戰幾好玩，我學習到很多嘢！」

{{hket:inline-image name="DSC00102.jpg"}}{{/hket:inline-image}}

{{hket:inline-image name="yh.jpeg"}}{{/hket:inline-image}}

{{hket:inline-image name="DSC00081.jpg"}}{{/hket:inline-image}}

今次表演名為《Unspoken》，Lyman表示概念來自他跟German的「Men's Talk」，大家連月來的傾偈都離不開愛，無論是German跟韋羅莎，還是他跟太太Zoe，大家都試著幻想失去對方的感受。Lyman說：「有一次我太太離開紐約工作，平時瞓覺大床每人佔一半，如果我喺屋企，佢會好開心霸晒成張床，但我唔係，我依然瞓自己嗰邊，將我隻手放喺佢身邊，晚晚都係咁。就算佢唔喺身邊，我都覺得佢喺我身邊。《Unspoken》故事就係點樣失去另一半，但想繼續同愛嘅人交流溝通，語言未必係表達得到。」

{{hket:inline-image name="ui.jpeg"}}{{/hket:inline-image}}

{{hket:inline-image name="ik.jpeg"}}{{/hket:inline-image}}

{{hket:inline-image name="rtvbe.jpeg"}}{{/hket:inline-image}}

{{hket:inline-image name="lkj.jpeg"}}{{/hket:inline-image}}

{{hket:inline-image name="mnhj.jpeg"}}{{/hket:inline-image}}

Lyman坦言自細受家人的感染，喜歡歌劇、電影，每周末全家人一齊睇戲，就算有時候做功課時，爸爸會播放歌劇，令他非常亢奮。Lyman的爺爺香海是資深演員，爸爸是香港電台的廣播工程顧問，Lyman小時候都曾經有份參與《柏林週記》的客串演出，不過年紀太細，印象模糊。在這個氛圍下成長，是否父母鼓勵他在娛樂圈發展？Lyman說：「剛剛相反，爸爸媽媽覺得跳舞表演只係興趣，唔應該成為職業，佢哋冇鬧我，但事先同我講一定會好辛苦。佢哋起初見我喺美國發展都鬆一口氣，因為遠離香港娛樂圈，點知...我仍然對香港娛樂圈好有興趣，要捱而且唔一定一帆風順，見住梁朝偉、劉青雲等等全部都係捱出頭，反而我好鍾意。」喜歡娛樂圈，但Lyman自去年7月贏出比賽後，一直未有跟MakerVille合約達成共識，他坦言無論家人、好友和粉絲們都不斷追問，但確實未有定案，「我好小心要睇晒所有角度先落決定，有可能真係諗得太多嘅，見到其他兄弟嘅新聞，我好戥佢哋開心，因為搵到自己喜歡嘅路，但我暫時未搵到。（最大考量？）金錢、前途、同埋係咪做到我想做嘅嘢，我想做大型百老匯，我想拍電影，但我見到合約期真係好長好長，長到望唔到終點咁，始終我唔年輕，亦唔係老，我有另一半，我哋要諗埋將來，係咪要生小朋友？係咪要決定留喺呢度？」

{{hket:inline-image name="DSC00005.jpg"}}{{/hket:inline-image}}

{{hket:inline-image name="DSC00033.jpg"}}{{/hket:inline-image}}

{{hket:inline-image name="DSC00038.jpg"}}{{/hket:inline-image}}

{{hket:inline-image name="DSC00071.jpg"}}{{/hket:inline-image}}

Lyman認為最抱歉的是粉絲「提子」們，由比賽至今一直都守候他的消息，當他們知道有《Unspoken》時，即時雀躍買飛支持，令他非常感動。「我參加比賽學識兩個字，『上水』同『潛水』，我真係唔慣社交媒體成日『潛水』，以前一年六個貼文已經好攰，但大家嘅力量逼我『上水』。我覺得好對佢哋（提子）唔住，知道佢哋等我好耐，但我真係未適應偶像呢個身分，我唔覺得自己係偶像，偶像係神，但我唔係神！」Lyman沉寂幾個月以來，他笑稱有穩定的收入，每天靠「賣肉」、「賣骨」生活，只靠儲蓄度過，但他無悔參加比賽，「後悔真係冇，喺紐約生活咗十年，而家輪到香港，係時候重新定位自己做香港居民，係我選擇咗香港，呢個係我嘅選擇。」

{{hket:inline-image name="dfght.jpeg"}}{{/hket:inline-image}}

{{hket:inline-image name="ytae.jpeg"}}{{/hket:inline-image}}

{{hket:inline-image name="nbcba.jpeg"}}{{/hket:inline-image}}

{{hket:inline-image name="uyybaa.jpeg"}}{{/hket:inline-image}}

撰文：楊安莉
攝影：何家賢
化妝：Karla Choi
髮型：@Wesker_work
服裝：@harveynicholshk