張致恒雯雯遊迪士尼全家福首曝光 大仔超開心網民欣慰：不像自閉

張致恒（Steven）同太太雯雯生咗四個仔仔之後不時都上網攤大手板，唔少人都不齒佢哋嘅行為，不過亦有好多人多次向佢哋伸出援手，早前更有網民饋贈迪士尼全年銀卡畀佢哋，非常慷慨。日前終於有人影到佢一家喺迪士尼出沒，小朋友睇落都好開心！

同場加映： 娛樂 出租家人│陳家樂感激嫲嫲積蓄助發明星夢 周家怡後悔惹怒家人被趕出家門

{{hket:ul-video id="10307"}}{{/hket:ul-video}}

有內地網民遊迪士尼時撞到Steven一家同樂園人物跳跳虎合照，留言：「在迪士尼看到Boyz。」今次係Steven一家六口齊人全家福第一次曝光，相中見到佢大仔特別開心，笑到見牙唔見眼；大仔同二人落地行，而Steven同雯雯就一人手抱一個，睇到都覺得會好混亂。

唔少網民都唔知佢一家原來獲贈迪士尼年卡，對佢一家點解會有錢去迪士尼感到好奇，不過亦有心水清網民指出，入樂園除咗門票費用之外，食嘢、交通同買嘢都可以好大使費，對佢哋嚟講真係超出能力。另外，都唔少網民見到Steven大仔外貌覺得好精靈，倍感安慰：「孩子看起來不像自閉哦。」

圖片來源：小紅書、IG