炎明熹「秘撈」益街坊人頭湧湧 自爆一身體問題中醫提議飲咖啡

炎明熹（Gigi）下月舉行3場演唱會，雖然忙於綵排，但昨日（14日）仍抽空化身咖啡店一日限定店長，以清純「咖啡妹」造型大派咖啡，與歌迷及街坊共度白色情人節！

同場加映： 12怪盜｜Anson Lo拍動作戲太肉緊成受傷擔當 姜濤靠Stanley教戲不惜自嘲體重

{{hket:ul-video id="10267"}}{{/hket:ul-video}}

{{hket:inline-image name="IMG_5462.jpg"}}{{/hket:inline-image}}

雖然演唱會已進入倒數階段，但Gigi在百忙中仍現身將軍澳一間咖啡店，除了即場學沖咖啡，更向歌迷及附近街坊派發200杯免費咖啡，親民的Gigi還與他們逐一合照，場面熱鬧。

平日有飲咖啡習慣的Gigi，從未試過用專業手法沖咖啡，她細心聆聽咖啡師講解每個步驟，繼而嘗試親手磨豆、沖泡、打奶、拉花，雖然第一杯製成品的拉花圖案未如理想，但Gigi再接再厲，總算成功完成一杯心心圖案拉花咖啡，之後她品嘗自己作品，露出滿意表情。她說：「其實我冇學過沖咖啡，但好多時開工前都會飲咖啡提神，同埋中醫話我啲血行得比較慢，飲咖啡促進血液循環，但我唔會飲太多，同埋我屋企冇咖啡機，所以好開心學多樣技能。」

{{hket:inline-image name="IMG_5478.jpeg"}}{{/hket:inline-image}}

「Gi店長」吸引不少人在咖啡店門外等候領取免費咖啡，人龍愈排愈長，要勞動商場保安維持秩序。約有80位幸運粉絲，經預約進入店內，品嘗以Gigi歌名或歌詞命名的特別套餐，包括「Only for me窩夫」，以及「送我一線穿透的光焙茶拿鐵」等。Gi店長笑說：「白色情人節希望可以帶俾大家一種『甜』，無論有冇情人，都想藉住今次呢個機會去多謝支持我嘅所有人，同埋有另外一個好消息，就係新歌《透光者》MV，網上點擊已經破咗100萬，好多謝大家。」

《透光者》MV上載短短兩星期便獲如此佳績，歌迷會特別準備蛋糕與Gigi一起慶祝，令她相當驚喜。問到近日是否已全程投入演唱會綵排？Gigi露出為難眼神說：「我之前講過，希望可以日日做運動、練歌，但手頭上其他工作未完成晒，運動暫時未可以日日做到，但過埋呢幾日應該好啲。飲食方面，以前我食嘢會好小心，但依家我講求食得開心，因為當有工作在身，會自自然然控制到胃口。」

提到早前在社交網站公開收集粉絲意見為演唱會請嘉賓，Gigi笑言反應非常熱烈，每一個留言都有細心地看，更將部分意見跟公司反映，她說：「今次三場演唱會嘅嘉賓，有啲大家有提及過，有啲你哋係冇講過，希望到時可以畀驚喜大家。」為了完成三場演唱會，Gigi付出不少努力，完show後最想做什麼獎勵自己？她想了又想說：「我想喺屋企，因為我都冇乜特別想做嘅事，我又唔鍾意出街，能夠喺屋企休息一下，已經好滿足。」

撰文：娛樂組
圖片來源：大會提供