無綫新一代咪神｜郭珮文落選後馬拉松式去旅行 網友羨慕「唔使做」獲本尊親回

落選港姐郭珮文（Juliana）擁有驕人身材，獲封「高海寧2.0」的她更極速獲力捧有劇拍，揮低「波波」黃婧靈成為無綫新一代咪神。熱衷在網上分享生活的郭珮文，IG Post都係吃喝玩樂，去旅行嘅靚相。早前去完東南亞，最近去完韓國，又去日本，生活悠閒嘅佢就被網友問：「好似唔使做咁，真幸福。」

同場加映：12怪盜｜Anson Lo拍動作戲太肉緊成受傷擔當 姜濤靠Stanley教戲不惜自嘲體重

{{hket:ul-video id="10267"}}{{/hket:ul-video}}

郭珮文在去年選美落選後，人氣高企的她迅速獲無綫安排加入劇組，參與《法證先鋒6 倖存者的救贖》拍攝，劇中佢飾演黃宗澤嘅法證人員下屬。對於咁快有得拍劇，郭珮文表示好榮幸又緊張，感激公司畀機會。

{{hket:inline-image name="54545421525.jpg"}}{{/hket:inline-image}}

不過拍完呢套劇之後，郭珮文喺TVB都好似無咩新搞作。反而見佢去唔少旅行，生活過得非常精彩。新年後佢去咗韓國玩，曬出唔少靚相，更留言：「煩惱逃跑計畫。」

{{hket:inline-image name="454454.jpg"}}{{/hket:inline-image}}

而家郭珮文就身處日本，日前佢曬出自己搭火車同埋餵鹿嘅相，原來佢去咗奈良玩。有網友問佢去咗邊度玩，佢就答：「東京和京都」。有人仲留言表示羨慕，「好似唔使做咁，真幸福。」而郭珮文就誠實回答：「其實係因為最近冇咩工作。」

圖片：郭珮文IG

圖片：IG