布志綸提「抄襲疑雲」向網民宣戰 MR.舊隊友暗寸刷存：真心戇X

樂隊Mr.嘅歌曲曾捲入「抄襲疑雲」，鬧得沸沸揚揚，仲係令Mr.人氣大不如前嘅其大一個主因。上個月尾Mr.主音布志綸（Alan）單飛推出新歌，日前Alan竟然喺社交平台提起抄襲事件「引戰」，而佢嘅兩位舊隊友都加入「戰團」，不過槍頭就係向住Alan，令當年嘅不各傳聞更加似層層，引到唔少網民食花生。

同場加映：Gi-Force演唱會補場｜炎明熹大學成績表比預期中理想 投入工作未Feel到有追求者

{{hket:ul-video id="10208"}}{{/hket:ul-video}}

Alan上月29日推出新歌《霍金預言書》，連日都有喺社交平台出Post宣傳， 日前佢突然出Post引戰，留言：「連登（論壇）呢排有少少質素下降，我出咗新歌都未搵到我抄邊首，有點失望。」言論立即引起網民討論，唔少人表示唔係佢出呢個「寸嘴」帖文都唔知佢出新歌，指佢「逆向」宣傳成功咗：「今次好明顯係想宣傳自己出咗新歌。」；亦有人指出當年提出Mr.歌曲涉嫌抄襲嘅係舊登（高登），而唔係連登。

當年Mr.歌曲《Mr.Tam》被指抄襲美國著名搖滾樂隊Bon Jovi嘅歌曲《It's my life》，之後Mr.都有唔少作品被指同外國以及內地樂隊作品旋律相似，其中《假使》、《零時起哄》、《搖擺》以及《感動》都牽涉其中。當時Alan否認抄歌，並表示會繼續「做好音樂」，但Mr.人氣唔多唔少都有受到影響。

{{hket:inline-image name="431845707_296027833263649_9104358804084293256_n.jpg"}}{{/hket:inline-image}}

然而今次Alan「寸嘴」事件最爆都係佢嘅舊隊友出嚟「補刀」，譚傑明（MJ）喺自己社交平台留言：「風趣幽默呢啲嘢真係要識得拿捏，如果唔係真係幾叻都冇用，好易變咗真心戇X。好似我呢啲冇咩才華嘅人咪好地地自己追夢囉，唔使下下講嘢都要擲地有聲嘅。BTW，紋身搵我啦各位，咩Style都OK，歡迎查詢。」而另一舊隊友黎澤恩（Ronny）就喺MJ下面留言：「有人問我，我便會講，但是無人來。存在感嘅嘢你唔識㗎喇，你就當我係浮誇啦。」

Mr.五子現時各散東西，各有各發展下Alan少有同其他隊友接觸，似乎早已產生隔閡。Mr.其實多年嚟都屢傳不和，雖然曾三度於紅館開騷，但後勁不繼，先係爆出成員同環球不咬弦，隊員之間鬧分歧，促使樂隊於2016年步入解散命運。Alan當時被指係Mr.「核心問題」，亦被指係因為成為「十億駙馬」後唔憂做，同其他有經濟壓力嘅成員愈行愈遠。Alan亦承認曾主動提出「想停一停」，又指自己係主音，外界有乜傳聞矛頭都係指向佢，而佢要「還歌債」創作歌曲時壓力亦好大，同其他成員意見上都有分歧，當時更表示：「我就好似嫁咗畀四個男人咁，佢哋真係好難頂㗎。」

當時另一成員Dash充當「和事佬」平息各人怨憤，而2019年五子亦曾經合體，MJ表示當時五個大男人共住一室，難色有生活上磨擦，而Tom亦補充當時大家積存好多心結，最後一次過爆發。Alan就指大家中間有太多誤解，係溝通問題，最後大家都有「少少掛住」，就促成佢哋再次合體。不過，如今睇嚟，事隔多年幾「兄弟」心結似乎已經愈纏愈緊。
圖片來源：Instagram