中年好聲音2│陳慧嫻評譚輝智「的」字都用心唱 網民翻睇多次𢲷爆頭：幾時唱過

譚輝智在《中年好聲音2》的比賽中，越戰越勇，在剛過去周末，第4度獲得 MVP的佳績。他在最終樂章，第一回「八強戰！霑叔金曲永垂不朽」，選以林子祥的《抉擇》迎戰，每位評判都對譚輝智讚不絕口，惟獨其中之一的評判陳慧嫻的評語，令觀眾摸不著頭腦。

同場加映： Gi-Force演唱會補場｜炎明熹大學成績表比預期中理想 投入工作未Feel到有追求者

{{hket:ul-video id="10208"}}{{/hket:ul-video}}

{{hket:inline-image name="4.JPG"}}{{/hket:inline-image}}

今次9強選手獻唱已故著名音樂人黃霑創作的金曲爭奪 8 強席位，有肥媽、伍仲衡、 張佳添、周國豐和陳慧嫻擔任評審。 譚輝智獻唱林子祥的《抉擇》，都是冒險挑戰，他笑言：「第一次唱呢隻歌，係睇歌詞而定呢首歌，因為好想唱一首勵志歌，同埋啲歌詞又真係幾易記，多謝霑叔！」節目播出後，無綫在YouTube頻道上載節目片段，譚輝智的短片，總共有20萬點擊，太受歡迎不斷有人重溫。

{{hket:inline-image name="40.jpg"}}{{/hket:inline-image}}

當晚譚輝智奪92分，成全晚最高分數選手，兼且第4度獲得 MVP。他的演出獲一致好評，肥媽大讚：「你今日冇晒啲懶音，同你初初嗰時係兩個樣！」周國豐說：「你有樣嘢對參賽者嚟講係可遇不可求，唔係好多參賽者擁有呢樣嘢，就係你好有觀眾緣！」

{{hket:inline-image name="000000.jpg"}}{{/hket:inline-image}}

唯獨陳慧嫻的讚賞評語，令人費解，她認真地說：「鍾意你嘅地方係你每一句、每一個字都有諗過點去表達同發音，竟然大家都冇諗住個「的」字，佢都可以諗到個方法，去令到我去留意到個的字，咁唔起眼嘅字，因為呢樣嘢，我畀最高分你。」

{{hket:inline-image name="000005.jpeg"}}{{/hket:inline-image}}

網民聽到都感到古怪，因為譚輝智當晚唱歌，並沒有唱過「的」字，而且原版歌詞中亦沒有此字，有網民在討論區開帖文：「幫輝智問：我幾時唱過個『的』字？」此帖文一出，有好多網民都留言評論，「慧嫻姐姐係唔係仲留戀緊輝智唱佢嗰首《歸來吧》？『心裡的他,快歸來吧』」、「剪片出錯，慧嫻出醜？」、「慧嫻係拿著本簿嘅筆記讀出嚟架」、「如果有個『的』字..... 咁是否唱錯歌詞」、「我都想問，搵極都搵唔到有的」、「慧嫻姐姐未瞓醒呀！別怪她」、「我都想幫輝智問：陳慧嫻話畀最高分就係指18分？後來佢畀咗兩個19（分）喎」、「搵晒成首歌詞個『的』喺邊度呀」、「我覺得陳小姐唔太喜歡輝智，除咗輝智唱佢首《歸來吧》之外！但陳小姐特別喜歡古淖文囉」、「我都覺得出奇？我反睇再反睇，都搵唔到個的字」、「我以為我真系睇錯，我重複又重複睇咗5次都睇唔到」。

有網民覺得陳慧嫻只是以一個比喻來形容譚輝智在歌詞上花了不少心機；亦有網民懷疑，兩集於同一日錄影，陳慧嫻所講的一番評語，則是關於譚輝智唱《歸來吧》，但網民cap圖發現，錄影並非同日錄影。

撰文：娛樂組