39歲楊潮凱宣布再做老竇 6歲囡囡每年生日許願要弟妹

現年39歲嘅無綫男演員楊潮凱2013年同初戀女友結婚，2018年誕下寶貝女Catharine，錫到小朋友燶嘅佢自此成為曬女狂魔，非常幸福。今日佢宣布同太太再次造人成功，仲透露囡囡已經恨咗做家姐仔好耐呀！

同場加映： 狀王之王｜陳浩民唔怕壞男人形象用作品說話 拍爆炸戲冇替身死頂：侷住上轎

{{hket:ul-video id="10125"}}{{/hket:ul-video}}

楊潮凱今日突然Post出bb超聲波，留言：「照唔知係唔係每一個女孩子都想做家姐嘅願望，我好記得每一年CatharineBB生日都會同我地講，佢好想要個細佬或者妹妹，唔知係咪吸引力法則呢？今年終於俾佢恨到喇！😍我正式宣布：『我哋又做爸爸媽媽喇！CatharineBB做家姐喇！🧒🏻👶🏻』辛苦你喇老婆，我會永遠愛你😘I LOVE YOU!」楊潮凱仲話相信囡囡Catharine會係個好家姐，相信最期待細妹或者弟弟出世嗰個呀！

{{hket:inline-image name="Wh.jpeg"}}{{/hket:inline-image}}

唔少藝人都留言送上祝福，包括袁偉豪、陳自瑤同江嘉敏等，其中黃翠如就被fans「捉住」催佢同蕭正楠快啲生b。楊潮凱近兩年都冇劇集於TVB播出，反而係前年執導過一部電影《喜歡妳是妳》；另外仲有為J2拍資訊性以及《咔嚓咔嚓》介紹影相嘅各種技巧同心得，之後再添食拍資訊旅遊節目《咔嚓中歐》。

2013年楊潮凱與交往11年嘅圈外初戀女朋友、教師江玉儀結婚，結束愛情長跑，當時都有唔少圈內好友到場祝賀，人緣極佳。2017年10月11日，他在社交平台Instagram公布太太懷孕，翌年3月18日，楊潮凱於社交平台上宣布及感激太太為其誕下7磅重之女兒，而喜愛攝影嘅佢更為剛滿月之女兒拍攝一輯彌月之寫真。楊潮凱自此經常post囡囡嘅可愛生活日常以及同佢嘅溫馨互動，非常sweet。

圖片來源：Instagram