伍富橋有米老婆屢被嘲「難鯁」 一句露骨反擊被網民bookmark

現年29歲嘅伍富橋前年同富家千金梁兆楹（Shirley）結婚，夫妻二人不時網上曬恩愛，感情非常好。原本後生仔女男歡女愛係平常不過嘅事，不過就因為雙方身家懸殊，成為大家討論對象。尋日Shirley又再忍唔住打長文反擊，最後一句更加激動爆粗，真係反駁唔到！

伍富橋自同Shirley結婚之後經常被指食軟飯同「入贅」，雖然一直都坦然面對，冇對網民評論有太大反應，但每次二人出post都會引起討論。日前伍富橋食物敏感搞到口腫面腫，老婆將嘲笑佢嘅片段放上社交平台，再次引起網民討論。一如以往，話題除咗討論佢哋婚姻係建基於金錢之外，仲有唔少人人身攻擊Shirley，指佢外形「難鯁」同「無福消受」等等。言論令Shirley忍唔住再次打千未文反擊。

Shirley以黑底白未留言，先表示佢同老公係因為咩一齊，係佢哋之間嘅事：「兩個入能走到一起，必定是有原因的可能是因為累了想安定下來可能是因為互相利用，當然也一定有真愛。但是無論當中原因是甚麼那也歸根究底是兩個人的事，旁人就不必參與了吧！每個人都有他自己的選擇尊重人也是尊重自己，我們也跟一般夫婦一樣，會爭吵會磨合，也會為未來擔憂，柴米油鹽，跟所有人沒有不同。」

{{hket:inline-image name="409202868_18405976021018290_5751942268288869468_n.jpg"}}{{/hket:inline-image}}

曾被網民指外形「襯唔起」老公，Shirley亦指二人婚姻關係平衡與否都不足為外人道：「我想我先生在你們某些人心目中一定是特别的出眾吧，不然你們也不會因為他娶了你們口中這樣的一個太太，而為他心有不甘。為此，我還是要謝謝你們對他的認可的。畢竟，要覺得一個人配不起另一方，就是對那一方的肯定。我不是一個出眾的妻子，但也一定不會是一個很差的另一半。起碼對於這點我還是有信心的。不是我特別有自信，而是我不覺得作為一個不偷不搶，不做壞事的正常人類，會有任何理由不配擁有愛人及被愛的權利及自由。我只是一個人的另一半並不是你們所有人的老婆，所以不要用你們的那把尺來衡量我的婚姻。」

Shirley指伍富橋因為係藝人關係唔可以成日發表自己意見，開心唔開心都唔會講，但佢自己就唔係咩公眾人物，所以選擇反擊。最後佢仲爆出一句全文精髓：「人無完人，看人先看己，稱人也稱己。講到尾就係，佢X得落係佢本事，你恨唔X到咁多，完。」

有網民表示要立即bookmark佢呢句咁爆說話，以後佢出post都要拎番出嚟，留言：「梗係佢本事 從來無否定過。」、「最後一句睇到我呆咗，好突然，而且真係發爛渣feel。」、「辛苦錢」等等。；亦有人指佢呢句搞到老公好似真係為錢先同佢結婚一樣；不過指因為就算佢點回應最終都會被扯到「食軟飯」結論，所以Shirley呢個反應亦屬正常。

圖片來源：Instagram