公屋上樓｜輪候10年終上樓 滿地裂縫如爛屋 港女轟：用4個月翻新咁樣交貨

成功「上樓」卻獲派「爛屋」？一名港女苦訴輪候10年終於「上樓」，惟房屋署花4個月翻新單位後，她上門一看地台卻裂縫處處，怒批「咁樣交貨畀我」，更擔心入伙後有手尾，被迫再延遲「收樓」。

同場加映：
管家王｜玄學家蔡偉雄拆解5大家居風水擺設迷思 養魚招桃花掛畫助開運 1種物品易招惹厄運

{{hket:ul-video id="10095"}}{{/hket:ul-video}}

公屋上樓丨派元州邨公屋，租戶收樓轟如爛屋，網民反駁一點「咪屈房署」，詳情即睇：【下一頁】

該名女網民本周一（12日）在Facebook群組「公屋討論區」中發帖，表示早前收到房屋署配房信件，獲三派沙田隆亨邨單位。她早在去年10月回覆接受配房後，要求房屋署代為翻新單位，未料時隔4個月、至今個月才翻新完畢，已令她感到不滿，「唔知以為幫我裝修豪宅」。

翻新4個月未如理想

事主透露，過年前一周收到房屋署職員來電稱已完成翻新工程，她便上門查看成果，未料地台有大量裂縫，部分長度幾乎橫跨整個單位，瓷磚間亦有很大條縫隙，甚至有一個大洞，令她無法接受，

「黐線，咁樣交貨畀我！爛到咁我真係接受唔到，個地爛到咁，到時樓下真係有漏水就大鑊。」

{{hket:inline-image name="426405488_10233009212279265_4695620507878634720_n.jpg"}}{{/hket:inline-image}}

↓ 點 擊 圖 片 放 大 ↓

事主稱幸好當初明言農曆新年後才簽租約和有上門檢查，「影完相即刻同主任講話我唔會收貨㗎，主任自己都講『嘩，叫佢哋快啲交貨啫，唔係咁離譜呀』」。不過，她指自己已輪候公屋10年且已是最後一派，沒有等派另一單位的餘地，只能再等多2個月才入住，「而家又話要等啲師傅開工，再等佢整又等多2個月，即係等半年。我就係驚住落啲問題先出嚟，到時先難搞」。

網民：真心收唔落貨

不少網民看到帖文後均認為單位狀況很差，著事主要求房屋署跟進：「叫房署搞掂先，自己搵裝修整唔係問題，問題係樓下有乜事漏水或者其他嘢入你數，房署唔維修，房署一口咬定唔關佢事，就全要你負責」、「成個地下都裂，真心收唔落貨，維修師傅仲可以當冇事先勁。老實講，住落先出現問題真係冇辦法，但收樓時都見到嘅問題梗係要佢執」、「做唔好就漏水，樓下多得你唔少！叫房署免租，搞好先收貨」、「真係做得好差，唔知以為係危樓」、「好唔掂，唔整就咁入去住，唔使2個月內就開始爆到你日日都有英泥執起」；亦有人分享自己的經驗：「我哋收樓個地台都係咁，原因係沙同英泥比例唔啱，要搵師傅打爛再鋪過」、「我間又係咁，我唔知有得整，仲畀人話我要求高」。

自行翻新可獲津貼

據房委會資料，「空置單位翻新津貼」計劃在1998年推出，旨在為租戶提供選擇，讓其自行進行簡單維修工程或選擇由房署的翻新工程承辦商進行工程。

「空置單位翻新津貼」的適用範圍在2004年擴展至所有樓齡不足21年空置單位，為反映樓齡較高的單位所需的簡單維修工程費用較高，16至20年樓齡的單位，可獲發相等於5個月租金的翻新津貼額；而11至15年樓齡的單位可獲發4個月租金的翻新津貼額；樓齡在10年或以下的單位，可領取的翻新津貼額為3個月租金。

假如準租戶選擇自行翻新空置單位，除了可獲發特惠津貼外，更可提早2個月入伙，減低公屋空置率。為確保計劃不會被濫用，房署會在租戶選擇領取翻新津貼後1年內，不會為其單位進行小型維修工程項目。

公屋翻新｜排9年公屋終上樓，租戶失望列8宗罪：翻新工程超級差！詳情即睇：【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】