崔碧珈被兩黑衣人推跌搶劫 疑電話已被盜用：我搵你要注意

「咪神」崔碧珈（Anita）擁有36G驕人身材，不時於社交平台大派福利嘅佢今日分享一個壞消息，表示於西貢食海鮮後時遇劫，提醒朋友們如果收到佢電話要份外小心！

崔碧珈尋日先轉載同朋友去睇完中島美嘉嘅合照，之後近半日都冇更新社交平台，凌晨時分佢就突然喺限時動態出咗一個post：「同大家報個平安，我啱啱返到屋企，依家用電腦上IG。3小時前我喺西貢食完海鮮嘅時候，出餐廳，畀兩個着住黑色衫嘅人推低我，然後搶咗個我電話，當時我電話係開住，因為電話係長屏（長開屏幕），所以匪徒應該會用到我個電話。如果係呢幾日有我聯絡你嘅話，要高度注意，好可能唔係我本人。」

{{hket:inline-image name="381341917_18385059421023585_3460736780210081161_n.jpg"}}{{/hket:inline-image}}

唔少網民都留言表示擔心佢有冇受傷，不過同時都指對方冇進一步傷害佢都算係不幸中之大幸，最緊要係人冇事！又有人提出佢電話長期冇screen lock非常危險，再買番電話都係改改設定穩陣，唔會個人資料外洩！

2019年崔碧珈與吳浩康分手，二人僅拍拖1年。吳浩康當時自責未能夠盡男友的本分，因放了太多時間在工作上而忽略另一半：「從來都把感情看得很重，從來認為兩個人相處要互相包容，而不是要改變對方，如不，離開可能是一個新的開始。2020年大家一齊加油。」

不過崔碧珈當時瘋狂留言力數對方多宗罪：「講得咁漂亮，多謝你繼續說謊，我哋之間從來唔係因為工作，我哋都係同居一年，亦唔係能力」、「你幾時有放好多心機喺工作」、「本末倒置」、「唔好感恩，大話精」、「你想扮上進？」之後又繼續於個人社交帳戶開Post發炮：「扮上進，又講大話」，更刻意tag埋Deep，明顯不滿其分手理由！

圖片來源：Instagram