買錯凶宅｜買樓贈愛兒中伏買錯凶宅 廿四孝爸媽遭拒批按揭斥經紀不認責

一對夫婦去年打算買樓贈予愛兒，睇樓時多次問及經紀相關單位是否凶宅，對方亦一律否認。未料買家做按揭時先發現單位附近曾發生命案，懷疑導致按揭未能批出。有大律師認為，經紀有責任提醒買家涉事單位附近有命案發生，建議買家落訂前先做好資料搜集，甚至提早與銀行做初步按揭評估以減低風險。

同場加映：
管家王｜龍年4個生肖犯太歲 玄學家教3招化解 擺風水陣有8大禁忌

{{hket:ul-video id="10052"}}{{/hket:ul-video}}

睇樓已問是否凶宅 地產經紀矢口否認

TVB節目《東張西望》日前報道，一對姓黃夫婦去年年尾打算為剛成年兒子置業，在朋友介紹下認識一名地產經紀，對方就推介深水埗區楓樹街一個單位。經紀去年尾帶同黃夫婦上門睇樓，期間黃先生已問及經紀該單位會否為凶宅，對方則一直否認，

「呢層有無發生過兇案？單位係買畀小朋友住，我哋好介意唔好嘅單位。」

銀行拒批按揭 真正「凶宅」疑為同大廈其他單位

黃太指經紀當時極力否認該單位屬凶宅。黃夫婦見單位地點及價錢合適，當日已落訂10萬，並簽約12日內繳交「大訂」。黃先生其後聯絡銀行討論按揭事宜，同時亦上網搜尋資料，發現同一大廈原來曾發生兇案，銀行方面亦回覆指無法批出按揭，令事主大失預算，

「銀行覆畀我，話同層同上下層都做唔到按揭。佢（經紀）話呢度好乾淨，同埋係第一手住落，好似有意避開問題。」

單位懷疑屬凶宅，就連銀行都拒絕批出按揭。黃夫婦得知情況後找經紀理論，惟對方就表示涉事單位絕對非凶宅，同一棟大廈的其他單位就並非地產公司負責範圍之內。

大律師拆解經紀責任

報道指出，所謂「凶宅」一般意指曾發生非自然死亡事件單位，惟法例上其實並無明確定義。如命案案情嚴重，除涉事單位外就連相鄰甚至樓上樓下單位的按揭都有機會受影響。大律師陸偉雄接受節目訪問時表示，有關個案中買家明顯已多次詢問單位是否「凶宅」，即使命案是發生於同大廈其他單位，陸偉雄認為經紀仍有責任交代鄰近單位是否曾有命案發生。

至於凶宅或其相鄰單位是否無法獲銀行批出按揭，節目指每間銀行都有個別審批準則；銀行會考慮借貸人還款能力及按揭成數。如銀行拒絕批出按揭，買家很可能因「撻訂」而招致損失，節目就建議買家在睇樓時詢問清楚物業代理，上網翻查單位資料或與街坊保安了解，甚至是提早與銀行做初步按揭評估，減低落訂後先知無法做按揭機會。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目
↓↓同步更新、更快更順↓↓
【免費下載】