黃心穎收風「安心偷食」被爆諗過輕生 親自解釋冇公開道歉原因原來係...

黃心穎接受商台《星光背後》訪問，大談2019年的「安心偷食」事件，被揭發後形象盡毀，更一度避走美國8個月。不過打不死的黃心穎經歷4年來的沉澱，決定以創作歌手重新出發，先後推出三首派台歌。訪問中被問及面對醜聞爆發前後的心路歷程，她激動認錯淚崩坦言愧對家人，亦曾多次萌生輕生念頭，最終選擇面對過錯回港，雖然面對不少負面聲音，她亦感恩遇到途人給她打氣，讓她仍覺世界美好。

同場加映：黃智雯演戲欠自信望離巢有突破 嫁有錢老公靠美食愛犬添情趣

{{hket:ul-video id="10019"}}{{/hket:ul-video}}

{{hket:inline-image name="WSW.JPG"}}{{/hket:inline-image}}

黃心穎「安心」挫敗留陰影改自駕  否認爬馬國明頭結婚：可能係淵緣【下一頁】

黃心穎出生於美國，在加拿大成長，家中有四姊妹而她是孻女，所謂孻女孻心肝，黃父特別愛錫她，給心穎自由度很大。心穎透露當初是父親鼓勵她回港參選港姐入行。對於2019年時爆出桃色醜聞，大家姐心美與父親一直被追訪，當問到家人有沒有因此埋怨，她即時淚如雨下，「冇，嗰一刻佢哋見到我個狀態，如果佢哋再埋怨我嘅話，我應該頂唔順。」心穎事發至今一直極度內疚，她哽咽說：「我係好內疚，因為事件後家人受到騷擾，亦影響到佢哋生活，當時好多傳媒喺家人屋企樓下等，亦影響到佢哋工作，真係好內疚。」事發後，心穎赴美國讀戲劇避靜長達8個多月：「事發十日後離港，出發前都冇見爸爸，佢都無提起呢個話題，因為大家都消化緊，到自己去到美國時候，佢哋認為我應付到情緒，都有單獨send message俾我。」心穎指父親愛之心責之切，「待我情緒穩定後，爸爸都有打嚟鬧我，叫我做任何嘢都要諗清楚後果，唔可以再咁任性。」八個多月後，心穎因三家姐生孩子決定回港：「屋企人都好開心我返嚟，所以返到嚟個感覺係好溫暖。」黃父於心穎去年十月結婚後於十二月因病離世，心穎激動落淚稱遺憾自己陪伴父親的時間不足夠，「返嚟之後同爸爸相處多咗，但係覺得唔夠，認為可以陪佢多啲，可能呢啲就係人嘅遺憾。」心穎感激黃父最終堅持看到她幸福出嫁才離世，並希望女兒活得開心快樂。

憶及2019年4月醜聞爆出前後感受，黃心穎指報導出街前已收到風聲，她形容是等待一個計時炸彈爆發，「事前有少少風聲話有單新聞關於你哋會出街，坦白，爆出前我係驚過事件曝光後，一直都好擔心，就好似一個炸彈等住爆咁樣，所以新聞出街後，內心反而平靜咗，但事件曝光後，心情又係另一個世界。」她坦言新聞曝光前曾想過輕生，「件事出街前，我其實有諗過我係咪要消失係呢個世界，之後有好多好朋友即刻到我屋企睇住我，但我個情緒都係好差，好似浮雲咁。」對於醜聞爆出至赴美前，黃心穎一直被批評沒正式面對公眾或開記者會道歉，她首次披露原來遭舊公司禁止，「我好記得事發第一日，我有問過公司係咪都要開一個記招去道歉，但公司怕好多人鬧或者追問，所以當時就話唔好做住。」她坦言當時很想即時公開道歉，「我記得有一下好衝動，同朋友講想直接落樓下見記者道歉，當然被我朋友阻止。」她坦言離港赴美前十天一直不好受：「之後有好多唔同新聞，我諗公司都傾向唔做記招，但係我覺得自己做唔到一個人，就不如離開香港。」

黃心穎中醫爸爸離世享年75歲 四千金承傳黃沛霖「仁心仁術」心血【下一頁】

四年前事發時，黃心穎曾於社交網撰文認錯，美國回港一落機亦曾接受記者訪問公開道歉，但不少網民窮追不捨，即使去年轉做歌手出MV，亦有不少負面批評留言，被問到回港後在街上有沒有受過責罵，她說：「係街上面從來都冇人會過嚟鬧我，反而係有好多人走過嚟同我講加油！最近放狗時，遇到一個女仔突然走嚟同我講，叫我唔好驚！果刻我反而很驚，點知佢同我講，話其實我已經見過我兩年，一直唔夠膽同我講嘢，佢好想同我講一聲加油，做女仔都可以好堅強！聽完之後，我即刻覺得個世界仍然係好美好！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

 

撰文：娛樂組