李美慧與繼女繼孫三代同堂滑雪 囝囝似曾文豪複製人0%媽媽基因

36歲的李美慧自從2018年5月初跟拍拖半年嘅富商曾文豪奉女成婚，自此淡出幕前，過住幸福少奶奶生活。李美慧同老公不時周圍飛，近日仲同埋繼女繼孫滑雪，大家關係非常好！

曾文豪較李美慧年長25年，不過自佢結婚之後就好似回春一樣，同太太不時好似後生仔女咁放閃。李美慧雖然嫁入豪門，但都冇見到佢曬名牌炫富；而曾文豪非常錫太太，不時為佢準備驚喜，佢都曾經講過鍾意太太為人簡單樸素有愛心。土豪式名牌就冇，不過佢哋都有佢哋嘅「奢華」，二人不時四圍飛，即使疫情期間都無間斷歐遊，令人非常羨慕！

{{hket:inline-image name="423133923_18412478047038764_6393734538568344587_n.jpg"}}{{/hket:inline-image}}

近日佢哋一家去到歐洲滑雪，李美慧連日都不時分享照片，相中仲見到曾文豪配合老婆大擺鬼馬pose，頓時變成大細路。呢次旅程，曾文豪同前妻所生嘅女兒曾昭怡都有同佢囡囡一齊參與，繼母李美慧仲細佢一年，睇怕二人都唔會有代溝，而曾昭怡囡囡都同佢哋嘅阿姨差唔多大，全部人打成一片，非常溫馨。

李美慧2018年10月23日透過社交網站宣佈誕下一女，5年後再次報喜，為曾文豪誕下囝囝，成為曾家第一個男丁。囝囝頭髮濃密，咁細個已經見到同老竇一模一樣樣，真係唔怕走失，個樣0%媽咪基因，唔知仲以為係複製人呀！

圖片來源：Instagram