新年淘寶中伏｜2張揮春被收$100運費 10張包到變巨型包裹 事主：下年返花園街買

新年將至，不少人都會買定揮春等新年裝飾為家居佈置，有人則選擇在淘寶網購，不過近日有網民分享淘寶買揮春的「中伏」經歷，稱僅購入2張揮春，卻被收取百元運費，另有網民買十多張揮春，惟其包裝繁多，被計十多公斤運費，最後比在香港購買更昂貴。

同場加映：
管家王｜玄學家蔡偉雄拆解5大家居風水擺設迷思 養魚招桃花掛畫助開運 1種物品易招惹厄運

{{hket:ul-video id="10095"}}{{/hket:ul-video}}

有女網民在Facebook群組「淘寶唔開心share （中伏group）」發文分享，指在淘寶購買一款醒獅頭揮春，惟其體積甚大，被官方集運多收近百元運費，幸向客服投訴後，發現集運方錯誤計算貨件尺寸，最終獲更正為運費為$10.5。

另一邊廂，有女網民在淘寶購入十幾張揮春，為避免揮春被壓毀或有摺痕，賣家一概用紙箱包裝，令包裹變重，同時令運費大增。事主指雖然淘寶揮春款式較多，不過就直言來年會「返花園街買」，

「買十幾張揮春，包裝到咁，計咗運費十幾kg，兩隻手指拎得起。款式係多啲，係靚少少，不過下年都係返去花園街買。」

網民：深水埗好多唔使淘

網民對於淘寶商家的包裝各有意見，有人認為包裝能避免揮春損毀，並非壞事，「唔係包到咁，收到貨睇到摺咗，損咗，又投訴賣家包裝問題」、「包得咁好，都算係咁」、「咁係你悲觀啫，我就睇到包裝到咁嘅好處」；亦有人認為運費昂貴，在港購買或更划算，「深水埗好多，唔使淘」、「所以今年都唔淘，花園街都好多款揀」。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

 ↓U Lifestyle App睇盡《晴報》新聞資訊及自家節目↓
↓↓同步更新、更快更順↓↓
【免費下載】