鍾培生發表「姊妹豬扒好新娘」論 被迫點評好兄弟老婆陳詩欣姊妹團

鍾培生近日不時於社交平台分享短片發表偉論，日前佢就發表咗一則講「姊妹團」嘅片段，表示「你的姊妹如何，新娘質素也必如何」。言論引嚟佢好兄弟陳爾正嘅老婆陳詩欣婆留言，令到佢被迫要點評陳詩欣（Eunice）嘅姊妹團，到底佢會點答呢？

鍾培生發表《培生論》：「每次做兄弟嘅時候呢，最focus係咩呢，唔係你個friend結得開唔開心，係佢啲姊妹靚唔靚，係咁膚淺啦。之後佢開始提高音量：「根據《培生論》，如果個friend啲姊妹，全部都係豬扒嘅話呢，佢娶咗個好老婆；如果你個friend娶個老婆，佢啲姊妹全部都係好正嘅MK妹呢，我覺得佢哋有機會婚變。」有網民都表示認同佢，好似真係有啲道理

{{hket:inline-image name="123.jpg"}}{{/hket:inline-image}}

2021年鍾培生為佢老友陳爾正擔任兄弟團，同阿嫂陳詩欣嘅關係都幾好，陳詩欣睇到片段次後留言問：「咁我啲姊妹呢？」而根據鍾培生嘅二元偉論，似乎真係答咩都死，不過佢就成功「拆局」，回覆：「你啲姊妹個個都係天使下凡，一啲都唔MK，兩位陳老闆（陳爾正與陳詩欣）一定白頭到老。」

陳詩欣2021年10月同富三代鍾培生好友陳爾正（Joshua）結婚，姊妹團成員包括余香凝、陳約臨、蔡嘉欣、鍾晴、方詩揚以及鄧穎堯。陳詩欣當時讚多位好友係「最索姊妹團」。當時幾位姊妹都一齊扮靚靚，為陳詩欣大搞瘋狂婚前派對，個個都獨當一面咁靚，睇相都已經目不暇給！

圖片來源：Instagram