【新城變革】56歲鄭啟泰迎娶拍拖2年女友 曾志偉啟發「離巢」馬浚偉召喚愛回家

馬浚偉早前出任新城廣播有限公司(新城廣播)首席營運總監，正繼續進行改革，繼啤梨葉文輝、周禮茂升職、陳小芝回巢後，馬浚偉再邀得鄭啟泰重返新城，再度回歸。鄭啟泰原來「雙喜臨門」，同時驚喜公佈同拍拖兩年多嘅女友求婚成功，而女友都大有來頭，郎才女貌！

同場加映： 黃智雯演戲欠自信望離巢有突破 嫁有錢老公靠美食愛犬添情趣

{{hket:ul-video id="10019"}}{{/hket:ul-video}}

鄭啟泰宣佈同拍拖兩年多女友求婚成功，而女友更係大有來頭，係傑出嘅前港隊運動員。鄭啟泰接受《晴報》訪問時表提起未婚妻都好Sweet：「大家覺得啱，係時候做呢件事（結婚）一齊。」鄭啟泰未婚妻王雁芝（Angie）係「速度滾軸溜冰」前香港代表隊成員，連續六年香港記錄保持者，亦係中國銀牌得主，現已退役，正任理財策劃顧問，以及打理家族生意。Angie除咗事業有成之外，仲對鄭啟泰「愛屋及烏」：「佢都對我囡囡好好，我囡囡病咗佢都催我快啲同佢睇醫生，我覺得佢對我成家人都好，係一家人嘅感覺。」

鄭啟泰首天返工特別買二十枝紅玫瑰畀公司女同事，當中包括來電台受訪嘅歌手蘇家欣、新城知訊台台長程凱欣及女主持黎莉、財經台主持陳以禔、茶水間姐姐及人事部女同事，逐一通知大家自己「回歸」，感謝佢哋一直幫忙。而邀請佢回巢嘅馬浚偉以擁抱歡迎鄭啟泰：「Welcome back！其實你係返屋企。」鄭啟泰感謝馬生邀請佢「回家」，馬浚偉續指：「大家都邀請你返屋企，冇人當你離家出走過，你咁任性，浪子。」鄭啟泰表示自己依家都係「bad boy」，但睇過出面世界，發覺新城係佢最舒服嘅「娘家」。馬浚偉指鄭啟泰係新城資深前輩，比自己喺娛樂圈嘅年資更長。鄭啟泰亦「識做」承諾會努力追收聽率。而啟泰第開咪第一時間同聽眾們交代：「我離家出走，依家返嚟喇！」佢仲同拍檔T-MAX互相錫面，十分肉緊，鄭啟泰語重心長同T-MAX講：「我最希望能以老帶嫩，你有更好嘅未來。」

{{hket:inline-image name="WhatsA.jpeg"}}{{/hket:inline-image}}

鄭啟泰在新城工作了二十多年，兩個月前離職，今次回巢再度開咪，與T-MAX（海淦清）、麥皓兒主持知訊台「得閒High Tea」做直播節目。鄭啟泰早前離巢打算向內地發展，尋找更多商機，鄭啟泰當時表示係受曾志偉啟發離巢：「嘗試去其他地方，我想去內地闖，專攻拍劇，亦都會做吓商演，新城出6位數字（酬勞），但去大陸有7位數字。」

「離家出走」期間鄭啟泰遊走內地，去了深圳、廣州、橫店拍戲，鄭啟泰表示離開新城時有通知馬浚偉，當時馬浚偉仍未加入新城：「大約三星期前，馬生叫我返新城傾偈，當時傾了3分鐘，馬生叫我着返新城件『波衫』，件『波衫』仍在我枱面，已經『着咗』20年喇！我就二話不說着返，流返新城嘅血。」他覺得新城這個家庭好細，但好容易溝通，他隨時可以叩門直接找到宋生(新城廣播董事總經理宋文禧) 及馬生、知訊台台長程凱欣等高層，聽他們的提議。