Twins演唱會丨阿嬌農曆生日感觸爆喊淚崩 阿Sa感激粉絲：我哋最唔好嘅時候鼓勵真係好重要

《TWINS SPIRIT 2024》演唱會昨晚（26日）舉行第五場演出，適逢阿嬌（鍾欣潼）農曆生日的大日子，繼首場的大驚喜後，再次萬人齊齊大合唱中文版《生日歌》為阿嬌祝賀，有歌迷打扮成一份禮物大叫祝她生日快樂，阿嬌笑言，「嘩，你唔係送你畀我呀？我唔要得唔得呀？我唔知擺喺邊呀.....我唔識點養你....」引得全場狂笑。

同場加映：中年好聲音2丨安雅希遵父遺訓舞台上落力表現 被海選照片嚇怕努力勁減43磅

{{hket:ul-video id="9973"}}{{/hket:ul-video}}

Twins演唱會首場撞正阿嬌生日 阿Sa準備神秘驚喜Fail咗嬲嬲豬【下一頁】

{{hket:inline-image name="SA9_3853a.jpg"}}{{/hket:inline-image}}

{{hket:inline-image name="YUZ_0425.jpeg"}}{{/hket:inline-image}}

{{hket:inline-image name="YUZ_0430.jpeg"}}{{/hket:inline-image}}

在互相「告白」的環節，是晚阿Sa（蔡卓妍）和阿嬌都特別感性，阿Sa說，「22年前真係想像唔到，呢個係我哋嘅將來.....」阿嬌指開完第一次演唱會後，都未知還會否有下一次。阿Sa續言：「咁多年來，有好多人可能會話，Twins好好彩，其實我哋條路一啲都唔平坦，一開始係好純綷嘅快樂，過咗幾年，就開始唔係好識笑。」阿嬌同意說，「我仲難啲，我記得一開始Mani（經理人霍汶希）不停叫我笑呀笑呀，我真係好辛苦....到慢慢開始，好多人支持我，覺得被人重視啦，我先識笑容多啲，同你一齊又開心，打開咗自己 。」

阿Sa坦言小時候懵懵懂懂，一切都開心，後來感受到不少人情冷暖，慢慢開始學會自己思考，「慢慢有幾年，真係好似笑少咗，但係好慶幸，我哋真係好努力到走過咗呢啲階段。」然後兩人走向對方感動相擁，不過兩女太激動，竟然攬攬時撞向對方臉上，兩人即時大笑，搞到明明感動中的歌迷也破涕為笑。阿Sa說：「終於去到今日啦，終於可以鐘意笑就笑，喊就喊，享受人生，呢個工作係自己想做！」阿嬌: 「係呀，有選擇權！終於到呢個moment，實在太感恩啦！」兩人不忘向在場的歌迷道謝，「當然有一個元素係好重要，就係你哋！如果唔係你哋呢22年一路喺我哋背後支撐我哋，我哋真係唔會行到咁遠，多謝你哋咁多年來嘅包容，多謝你地嘅愛。」

阿Sa激動哽咽，「多謝你哋所有人， 喺我哋最唔好嘅時候嘅鼓勵，好緊要真係.....以下落嚟呢隻歌，唔係淨係講緊我同阿嬌，係講緊我同你哋嘅關係，《相愛22年》。」起歌之後，兩人全程都喊著唱，阿嬌更哭到缺堤淚流滿面， 而阿Sa強忍淚水，令全場歌迷都跟著他們大合唱，並且邊唱邊落淚。

鍾欣潼生圖流出現真實五短身材 粉絲擔心演唱會前打回原形【下一頁】

由於昨晚是阿嬌生日的大日子，阿Sa特別開放讓觀眾點唱，經現場投票最後結果是《士多啤梨蘋果橙》，她們搞笑問現場觀眾借手機電話，方便望住歌詞唱，沒想到阿Sa唱兩句後，突然電話響，她情急大叫：「哎呀，你Daddy打畀你，死啦，點算？」而阿嬌就安慰她：「唔好亂，唱埋先。」笑爆全場。

{{hket:inline-image name="SA9_4794a.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組