容祖兒演唱會搬上大銀幕與粉絲重溫 自嘲：票房毒藥都可以戲院Full House

容祖兒昨日為自己歌唱事業，再創新紀錄！第一次把自己的演唱會《My Secret Live: ANOTHER SIDE 》放上大銀幕，票房更是史無前例咁勁，一開售即爆十場，昨日上映首日，她謝票時開心宣布，這部戲院版《My Secret Live: ANOTHER SIDE 》下星期會加開場次，好讓未能買到飛的朋友可以買飛入場感受這次的演出，香港以外，澳門亦會上映！想買飛入場的觀眾，要密切留意了！

容祖兒戴有色隱形眼鏡周身唔自在 素顏自嘲似白內障弱視：點解人哋咁靚【下一頁】

{{hket:inline-image name="195.jpg"}}{{/hket:inline-image}}

{{hket:inline-image name="TH.jpg"}}{{/hket:inline-image}}

{{hket:inline-image name="194.jpg"}}{{/hket:inline-image}}

為答謝觀眾熱烈支持，祖兒昨日聯同演唱會導演彭秀慧由下午四點開始馬拉松式謝票至晚上十一點，一共跑了八場，觀眾近距離見到偶像非常開心，而每場的觀眾都跟祖兒召喚一齊穿上「閃閃令Dress Code」，戲院之中不時出現全場燈海及大合唱，嫌如再開大型演唱會一樣，令祖兒也十分感動。有觀眾流著淚表示，多謝祖兒的歌讓他們度過疫情的日子，「疫情一段日子大家都好 down ，多謝你演唱會影片上YouTube，我日日喺度睇番啲歌，後來你首《東京人壽》亦都係同樣喺疫情期間出現，畀到一個好大力量我捱落去，好多謝你。」

容祖兒即場模仿古巨基唱片封面照 弗爆身形輕鬆駕馭Y2K風【下一頁】

昨晚祖兒媽媽及弟弟一家也有來支持，祖媽更發表心聲，指睇大銀幕睇得非常開心及安心，因為睇現場，每晚她也會擔心個女身體，憂心舞台上差錯，但睇電影版就不用擔心這些，所以好舒服，而弟弟現場也高舉女兒向祖兒姑媽打招呼，非常可愛。對於今次將演唱會搬上大銀幕，祖兒感覺很夢幻及興奮，「IMAX的銀幕很大，第一次見到一個超巨型嘅自己被放大一百倍，真係要多謝我媽咪，因為我見唔到自己毛孔，哈哈！雖然我睇剪片好多次，今日再睇發現咁大個銀幕，真係咩都無所遁形，好多細節係今日先睇到，例如自己流晒汗，件衫背脊濕晒....睇到自己每一首歌都好用心去唱，去演釋，沒有辜負34場的觀眾，真係自己都想讚下自己。見到觀眾咁鍾意今次演出，睇得咁開心，我呢個票房毒藥可以令到戲院Full House ，已經可以寫係我人生記事簿上面，有一個非常好嘅回憶啦！」此外，不少歌迷都問她何日再開演唱會，祖兒就話，今年澳門都重有幾場，正式大形演唱會計劃係2025年。

{{hket:inline-image name="118.jpg"}}{{/hket:inline-image}}

{{hket:inline-image name="164.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組