馮盈盈認推劇入雪櫃爆兩大苦衷 為派定心丸公開戀情最終本末倒置

馮盈盈在早前劇集《妳不是她》中，首次孭飛做女主角，事隔兩年再有作品推出，為觀眾帶來新鮮感，她近日接受電台訪問，再次被問到因推劇遭TVB雪藏一事，亦提到跟前男友「寶寶」分手的真正原因。

{{hket:inline-image name="FYY.jpg"}}{{/hket:inline-image}}

{{hket:inline-image name="419445217_18410767414010730_7365903599137393760_n.jpg"}}{{/hket:inline-image}}

提到前年有傳拒絕北上拍《一舞傾城》被TVB掟入雪櫃，繼而重回港大讀碩士鋪路轉行，馮盈盈承認因自身壓力及家人健康問題曾推掉一齣要赴內地拍攝的劇集，「因為當時疫情，屋企人唔舒服，要我離開香港一段時間係好難兼顧；因為嗰齣劇集角色好重戲份，有屋企人牽掛嘅話我覺得自己應付唔到，係信心不足。自信心問題令我錯過呢次好好嘅機會。」她再解釋之後向公司請假，完成港大營養學碩士的原因，「我一畢業就選港姐入行，其實入行前已計劃好讀海外碩士課程，感謝公司體諒，畀我趁有空檔就去進修增值自己。」馮盈盈坦言沒考慮上位中途消失一年會被觀眾遺忘，「我無諗，純粹因為下年就30歲，一心諗住30歲前完成呢個心願，不過好神奇，中間都有時間拍吓綜藝同拍《逆天奇案2》。」

馮盈盈2016年參選「香港小姐」時已坦白公開戀情，兩人後來發展至同居階段，可惜最終分手結束四年情，盈盈稱入行前後雙方關係變緊張所致，「未入行想法較天真及無知，以為光明正大公開好正常，仲會畀到另一半信心同安全感，但慢慢發現，另一半係圈外人要承受好多不必要嘅目光同壓力，譬如佢日常生活要面對同事、家人同朋友目光，點都會有壓力，圈內人係我，我食得鹹魚抵得渴；但佢冇需要承受，慢慢開始有分歧，爭拗變多。」

回復單身後，馮盈盈因搬屋及擁有名牌包包被指變得「拜金」，她解釋說：「搬屋是因為搬回跟家人住，名牌包包是自己買，是獎勵自己作為工作上的動力。」她指現階段唔恨拍拖，先後跟鄭衍峰、高鈞賢等傳緋聞，均指對方是工作上有默契的拍檔，至於現在的擇偶條件，她坦言：「最緊要成熟，成熟唔係指年紀，係佢要識得包容、體諒同尊重我。特別因為我呢份工作，時間唔穩定，又有好多特殊情況，如果另一半唔識體諒包容，就好易出事。」經歷坦蕩蕩公開戀情最終分手，馮盈盈坦言將來若再遇上一段新關係，將不會主動公開。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組