口罩小姐冠軍丨30歲浩南宣布做媽媽兼人妻 《戀講嘢》最終回發福被網民叫減肥

由郭嘉駿（193）、譚凱倫、鄭伊琪（浩南）和郭奕芯主持的清談節目《晚吹-戀講嘢》早前播出最後一集，「口罩小姐」浩南都連帶人氣上升，開始有人認得。不過衝緊事業嘅佢今日竟然突發宣布有咗，唔少人都好驚訝！

{{hket:inline-image name="67.jpg"}}{{/hket:inline-image}}

浩南今日post出一張bb超聲波照，同老公用手做一個心形，留言：「不知不覺成為陳太一段時間，感恩我們一直都像熱戀中的戀人。謝謝陳生一直以來的照顧，讓我可以安心做自己想做的事，亦感謝小B選擇了我們做你的父母。仲有幾個月我哋就見面啦，以後繼續多多指教！」

唔少人都留言恭喜佢，都有人表示驚訝，事關真係毫無預兆。日前浩南為《戀講嘢》最後一集發表感言，都仲有網民直指佢越拍越「幸福」，隨後更加叫佢要減肥，不過浩南就冇再回應佢，誓估唔到已經有喜！

浩南2015年獲第49屆工展會《工展小姐選舉》季軍；並在2021年成為ViuTV《最後一屆口罩小姐選舉》冠軍兼「服裝與口罩配搭獎」得主。鄭伊琪參選時的綽號為「浩南」，因為本名與鄭伊健非常相似。

圖片來源：Instagram