張致恒借錢不遂爆粗鬧女星造新聞 雯雯分享貧窮線下一家六口晚餐

網絡乞丐張致恒（Steven）同太太雯雯4年抱4，兩個人都冇返長工下生活長期窮困，同身邊所有朋友都「借到盡」，債台高築。近日都有唔少苦住上水，又有苦住爆出Steven send畀佢嘅錄音，大鬧一位女星借佢造新聞。而雯雯都叫債主直接搵佢哋嘅「製作公司」還錢，新一年又又又又話要自食其力，希望會還到錢畀大家。

同場加映： 中年好聲音2丨劉可曾為唱歌奔波累壞身心聲帶 參賽贏盡友情 望舊歌新唱永續傳奇

{{hket:ul-video id="9937"}}{{/hket:ul-video}}

到近日，雯雯宣布兩公婆將會開公司，主力做影片製作，雯雯曾說：「我同Steven成立咗間公司係幫人拍片同幕後製作，然後剛剛開業，我地兩公婆都會拍片關於人生百態，感情、兩性婚姻、娛樂新聞都會講下，希望大家多多支持！」不過就咁睇夫妻二人做出嚟嘅成品都好粗製濫造未知到時影片會唔會有改善。

{{hket:inline-image name="14.JPG"}}{{/hket:inline-image}}

製作公司開業同日，女紋身師Lexii在網上貼出Steven電話號碼，以及疑是Steven與紋身師爸爸「龍龍哥」的對話圖，對方說：「你好似完全唔使負責任喎」而Steven就回覆：「對唔住呀，龍龍哥，我過埋12月，一月開始，我就會逐啲逐啲還畀你，因為我啱啱先開始返新工，佢要兩個月試用期，所以一月就可以開始還畀你㗎啦，對唔住欠咗你咁耐。」龍哥據知係元朗車房嘅老闆，不過就唔知佢借咗幾多畀Steven。

紋身師留言代父出頭：「張致（恒）先生，條數由上年拖到而家，請問你想點X樣？有錢住咁大間屋又有工人又有狗，我都無你咁舒服。」Steven工作量唔多，收入自然都少，今日雯雯post出一家六口嘅晚餐，份量實在少得可憐，得7隻雞翼同埋一煲雜菜湯，似足貧窮線下家庭。唔少網民都擔心小朋友發緊育營養唔多夠，留言：「不如去搵深水埗明哥領飯。」、「我隻狗都食得仲有營養。」

Steven另外又被KOL Sean Lam爆出兩條錄音，數臭莊思敏唔願借錢畀佢之餘仲暗示佢事後造新聞：「嗰個莊思敏，嗰時問佢借一千幾百開飯，佢話：『吓？（風水）師傅叫我唔好借錢喎……不過畀封利是你啦，畀兩舊水你啦。』我就好啦，多謝你啦……第二日出咗新聞，話我同佢借錢，x那星。」Steven又送上無限嘅祝福畀佢債主：「就你冇人借錢畀我，個個都窮到X咁，呢排都係得你借畀我咋，你係我貴人，你依家喺度積緊福……哈哈……不停咁積緊啲福。」觀音借庫都要下年還，不過Steven就隔一年都仲未還到呀陰功。

其實莊思敏喺張致恒被爆「腳踏五船」前都有聯絡Steven，恭喜對方做爸爸，但就不獲回覆：「撇開其他事，做爸爸是開心事，望事件盡快平息啦！」不過當問到Steven有冇向佢借錢時，佢都有「包庇」對方：「吓？冇喎！我有短訊向他問候，但他冇覆。」唔知Steven係咪真係厚顏到當$200係利是，冇諗過還畀莊思敏呢？

圖片來源