Ivy So@COLLAR舞台劇獻熒幕初吻 哄動程度贏吳肇軒Locker爆肌

顏卓靈、吳肇軒、Ivy So@COLLAR（蘇雅琳）及林家熙（Locker）主演的舞台劇《百分百感覺2024》昨晚首場公演，他們將漫畫《百分百感覺》的愛情故事重演觀眾眼前。其中，顏卓靈由於腳傷的關係，舞台上全程演出都要扶拐杖演出，不過顏卓靈沒有特別錫身，撐住拐杖上落樓梯之餘，還要應付跳舞和床上戲。

{{hket:inline-image name="IMG_1822.jpeg"}}{{/hket:inline-image}}

{{hket:inline-image name="IMG_1821_600.jpeg"}}{{/hket:inline-image}}

顏卓靈撐住拐杖演足全程，她表示因腳傷的關係，有幾場的戲份要改動劇本，改走一場她孭起Locker的戲份，而大部分場景都在舞台底層進行，不需要上落太多落梯，幸好她在物理治療的配合下，練習好可以上落一層樓梯，方便走動。她表示：「我冇食止痛藥，同埋演出腎上腹素飆升，唔記得痛，靠意志力搞掂！」她表示服裝入面有護膝的安全措施，不擔心影響傷勢。

至於她跟Locker的床上戲，Locker一除上衣即時引起全場觀眾哄動尖叫，Locker表示幾位演員都非常勤力，每每排練完畢都在旁邊的「健身Corner」狂操，而每日的飲食都是白烚雞胸、雞蛋和蔬菜，大家都非常努力。同樣跟女演員有激烈床戲的吳肇軒都坦言同樣努力操肌，不過自己起點太低，追不及Locker的魔鬼身材，提到今次只穿內褲演出床上戲，吳肇軒說：「我真係好緊張...」他被踢爆每日排練都在女演員面前除衫，問大家他的健身成果如何，相當自戀。

至於Locker在劇中奪取Ivy So的熒幕初吻，他表示：「劇本寫呀唔關我事！我的確聽到台下觀眾好大反應嘅...」Ivy So說：「其實之前幾套劇集都有接吻戲，只係後來都改咗淨係錫面，今次同導演商量咗兩分鐘，大家都覺得有呢個需要，所以就錫囉！同埋排練嗰陣就自自然然咁錫落去，冇乜尷尬。（仲有8場要錫？）係呀，剩番8場，Locker你好好珍惜呀！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組