官恩娜與囡囡提早出現溝通問題 被要求舉辦騎呢主題6歲生日會

現年44歲的官恩娜（Ella）自2015年嫁中法混血醫生男友Juan-Domingo Maurellet，先後誕下一子一女後，淡出幕前專心相夫教子。近年小朋友開始大，Ella多咗喺社交平台分享日常生活。日前佢提到自己帶6歲嘅囡囡去學體操時有不愉快經歷，今日佢又分享自己同囡囡提早出現「溝通問題」。

同場加映：中年好聲音2丨劉可曾為唱歌奔波累壞身心聲帶 參賽贏盡友情 望舊歌新唱永續傳奇

{{hket:ul-video id="9937"}}{{/hket:ul-video}}

Ella囡囡快將迎來6歲生日，雖然仲係好細個，但已經好有主見，Ella分享囡囡今次有一個好「騎呢」嘅idea：「又話青春期先有溝通問題嘅？我唔明點解我個女6歲生日會揀馬桶人做主題，但我都係訂咗個廁所蛋糕畀佢，仲要有佢個頭喺廁所度飛出嚟……」Ella露出大惑不解嘅表情，分享為囡囡整嘅生日佈置，之後拎住「馬桶人」嘅道具自拍表示：「Auntie我真係唔明……」

{{hket:inline-image name="81217514_585932645564130_6265321643334096483_n.jpg"}}{{/hket:inline-image}}

其實唔好話Ella，據知，「馬桶人」（Skibidi Toilet）呢樣嘢連千禧後嘅朋友都表示「難以理解」。2023年初，網路上出現了一系列風格詭異嘅短片，內容就係馬桶中冒出一個人頭，人頭不但表情猙獰，仲會扭來扭去同唱歌。之後「馬桶人」又同死對頭「相機人」展開對決，雙方用各種手段激烈廝殺……曾經有家長譴責「教壞細路」，事關曾經有小朋友睇完之後唔敢去廁所；又曾有男童蹲喺籃子做出「兇猛」嘅面部表情模仿該動畫。

唔少人都大讚Ella雖然唔明白阿女做咩會鍾意啲咁騎呢嘅嘢，但都會用行動去支持同實現囡囡願望，唔係一嚟就拒絕同埋用自己一套加諸小朋友身上，實在係一個模範好媽媽。

圖片來源：Instagram