珍貴舊物｜公屋婆婆棄舊物 港男接手「時代寶藏」 網民驚訝所價不菲：值幾十萬

根據觀點與角度不同，同一堆物品在某人眼中可以是垃圾，亦可以是寶物。一位婆婆見新年將至，將離世老伴的舊物以膠袋裝起丟棄，卻被碰巧路過的網民發現舊物極具歷史價值，除多款紀念車票外更有多數達15萬張舊郵票，有網民就笑言數量之多足以開展覽。

同場加映：
管家王｜關火即沖水易傷鑊 拆解6大用鑊禁忌+易潔鑊致癌迷思 刮花可翻新延使用壽命

{{hket:ul-video id="9945"}}{{/hket:ul-video}}

有網民日前於Facebook群組「90年代回憶（新版）」發文，指日前往某舊屋邨找朋友，上樓時無意間見到一位婆婆帶著幾個大膠袋丟棄垃圾，事主跟隨其後「尋寶」果然有所發現。

事主指打開垃圾膠後發現大量極具歷史價值物品，其中就包括「女皇頭」郵票，當中部分更為「版票」，其餘還有90年代火車票、地鐵紀念票等等，對於有收集舊物習慣人士而言極具價值。事主指發現寶物後主動聯絡婆婆，問及對方何以放棄舊物。婆婆則指舊物本屬其丈夫所有，但自對方離世後一直將舊物保存在家，

「阿仔又冇興趣，就嚟新年就全部掉曬佢囉。」

近15萬張舊郵票 事主盼承傳回憶

事主指自己亦有專門存放香港舊物的工作室，對珍品被棄置感可惜，故索性叫車將全部舊物帶走，數量之多足足放滿1個大行李喼加7個袋。經點算後，事主發現女皇郵票共有14萬3000張，其餘還有大批車票、不能盡錄。事主直言從舊物保存狀態，可見物主對其相當重視，機緣巧合之下決定繼承該批收藏，讓舊物承傳下去，

「真係覺得當下好好彩有畀我遇到，唔係嘅話過幾日就會攞去堆填。」

群組內有不少舊物同好，不少人都認為郵票即使並非珍寶，但如此丟棄實屬可惜。有人就問郵票當中會否存在極具價值的「猴年郵票」，稱如有發現肯定會「改變命運」，惜事主就回覆指未有發現；有人笑言郵票價值「值幾十萬」，有網民就回應指如非有珍貴郵票在內，否則價值可以只有1萬左右，連同折舊或只值8千。除價值外，亦有網民指收藏品反映伯伯對郵票的熱愛，希望事主日後可以好好收藏，甚至舉辦展覽公諸同好。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】