容天佑突然「斷片」失六個鐘記憶 急call夏韶聲：可能係外星人玩嘢！

容天佑近日自爆自己曾短暫失憶，失去了五、六個鐘頭的記憶。容天佑接受《晴報》訪問，表示當時突然間感覺到自己好像進入了結界，幸好當時有好友鄒兆霆在旁，「要好好請阿霆食番餐飯！」

同場加映：陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

容天佑在IG po出在拳館的相片，將經歷命名為《我失去記憶的一天》：「你，有冇試過喺清醒嘅狀態下，冇咗一段記憶？『估計』尋日，我係如常咁去食lunch，如常咁揸車去拳館，如常咁做gym 練拳。一個平常過平常嘅行程。但沖完涼換好衫，喺更衣室行返出嚟嗰陣，我個腦忽然一片空白：『咦？我係邊呀？』」

{{hket:inline-image name="418566007_18409136863010444_3612475540187389334_n.jpg"}}{{/hket:inline-image}}

當時如夢初醒的容天佑四圍望，才驚覺自己身處拳館，但就忘了為甚麼自己身在此地，「我嚟做咩㗎？」而他仍在驚惶當中時，突然有人從後拍他膊頭，「佢同我講：『行得嘞！』」回頭一望，原來是練拳buddy 鄒兆霆，於是他就問對方：「『咦？阿霆，你喺度做咩？』，『吓？我哋係一齊上嚟！？』我嘅反應，令佢以為我玩佢。而事實係，我真係冇晒同佢上嚟嘅任何畫面呀！一格仔畫面我都load唔到出嚟呀兄弟！！『喂呀，我失咗憶呀？』」

{{hket:inline-image name="418518664_18409136866010444_915003480597866264_n.jpg"}}{{/hket:inline-image}}

鄒兆霆見容天佑「斷片」，就解釋來龍去脈，包括當日兩人在哪吃午餐、怎樣到拳館等，希望幫好友喚醒記憶，「但任佢點講都好，我連啲啲都記唔起。反而早兩日、甚至成個禮拜前嘅事，我就幾得好清楚。就連幾日前拍嘢，邊個位我NG咗，埋位前食咩嘢飯盒，我都數得出。究竟，發生咗咩嘢事呀？」

{{hket:inline-image name="407375763_1294625154584709_6540537657445368886_n.jpg"}}{{/hket:inline-image}}

容天佑又自言「斷片」經歷太誇張，「有人話，一個人太熟習一件事，會做咗都唔知，就好似你呼吸咗，都唔為意自己呼吸咗咁。只不過我呢個case，未免太誇張嘞啩？又有人話，呢類『記憶斷片』，可能係外星人玩嘢！你哋有冇人識『夏爺』夏韶聲？可唔可以幫我搵佢教請吓？」

他只幸好「斷片」情況暫時只係出現一次，「唔係嘅話，真係要入醫院check下！可能上天畀個signal 我先，叫我新一年，注意吓自己嘅健康都唔定啩。總之，尋日我冇咗五六個鐘頭嘅記憶，原因到而家都係不明⋯P.S : 有冇人試過差唔多嘅經歷，留言分享吓！」

容天佑接受《晴報》訪問，憶起當時經歷仍然觸目驚心：「突然間感覺到自己好似入咗結界咁，個感覺好似發緊夢好唔真實。好彩當時阿霆喺身邊，因為我連架車泊咗係邊都唔記得咗。阿霆一開頭仲以為我講笑，呃我練拳嘅時候打咗拳館隻狗狗一下，我仲即時走去同狗狗say sorry，呵番佢。事後阿霆見我咁認真先發覺原來我唔係講笑，即刻搬張櫈畀我坐，了解番我嘅情況。」

{{hket:inline-image name="4353.jpeg"}}{{/hket:inline-image}}

他笑言要請阿霆食飯，「如果唔係我唔記得自己架車泊咗係邊，停車場錢就會好貴。」而鄒兆霆見好友突然「斷片」，就表示：「笑死我！不過注意身體嘅健康。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG、受訪者提供