《黑月》｜姜濤新歌MV宣傳相引起哄動 女主角撞樣Tiger AK嘲：​咖喱雞

男子組合MIRROR下星期開演唱會，成員在開騷前相繼出歌，繼盧瀚霆（Anson Lo）推出最新單曲《MY LIFE》後，姜濤亦宣布「14胎」即將面世，歌曲名為《黑月》。

同場加映：陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

昨晚姜濤在IG po出《黑月》的宣傳照，指這首是關於「慾望」的歌曲，留言問粉絲：「你們心裏有充滿慾望、陰暗那一面嗎？」而宣傳照中，MV女主角挨住姜濤，手搭膊頭之餘更把嘴貼近姜濤的頸，像吸血鬼一樣吸血似的。AK更笑隊友：「Curry chicken To」，獲大批粉絲留言讚好。《季前賽》老闆仔黃梓樂留言：「wow」，姜濤回應：「你唔睇得㗎！」

{{hket:inline-image name="418574071_18413605636034831_7610279403988194899_n.jpg"}}{{/hket:inline-image}}

而有不少人覺得MV女主角側面勁似其隊友Tiger（邱傲然），而姜濤亦表示認同，又po出對比圖tag Tiger：「真係有啲似你。」Tiger笑言：「死火啦！又話唔用嘅？」

{{hket:inline-image name="415505212_18171409048288905_8682262506170443298_n.jpg"}}{{/hket:inline-image}}

不少「姜糖」見到宣傳照紛紛起哄，更有人聯想起姜濤在《MIRROR Time》中，都曾「偷襲」陳卓賢（Ian）。節目中姜濤連番偷錫Ian的手背和頸，嚇到Ian大叫：「做咩錫我呀？」

姜濤今次在新歌《黑月》MV中以Bad Boy造型示人，即將舉行的MIRROR演唱會中，他亦會破格以近似造型示人，而且更會送上驚喜，令人期待。
 
姜濤愛觀察，新歌《黑月》也是從生活觀察中得出創作理念，他道：「在入行後的觀察中發現原來當很多人擁有了金錢、權力後，背後可能會做出一些不爲人知的黑暗行爲，傷害他人，去滿足自己不斷膨脹的心理慾望。」結果他與小克分享了自己的想法，創作了新歌《黑月》，主題圍繞人類慾望展開，在佛學的角度，人性固有的貪、嗔、癡、慢、疑等五毒之心和七情六慾本無法根除，因我們皆為凡人，但我們可以通過自己的意念對自身過度的慾望加以控制。姜濤希望透過《黑月》警惕自己和大眾，不能放任慾望橫行，若不遏制貪婪之心和非分之想，就會徹底沉淪，無法自拔。

{{hket:inline-image name="IMG_8551.JPG"}}{{/hket:inline-image}}

 面對娛樂圈形形色色的人和事，姜濤最想做到的是堅持初衷，能抵抗各種誘惑，不被貪慾吞噬。雖然他曾説過「自己有一部份冇以前咁美好，冇咗太多天真想法，知道成人嘅世界需要應付好多現實嘅嘢」，但姜濤都會盡可能保持原本的自我，生活中會保留一些舊有的習慣，不容許遺忘昔日的自己，他舉例說：「我到今日都仍然會去街場打波，就算好多人知我係邊個，我都會去，因為嗰個會係搵返以前部份嘅我嘅地方，跑步都係，我都會跑返同一條路，跑返同一個海邊，遇到乜嘢困難，我都會對住嗰個海許願，我最驚以前嘅一啲生活習慣會冇咗，所以會Keep住。」

{{hket:inline-image name="4554.jpeg"}}{{/hket:inline-image}}

 
為了傳達歌曲的訊息，這次姜濤在MV中以Bad Boy造型示人，濃黑的眼線、金黑強烈對比的髮色配襯不羈的造型，不過他笑言：「新一年新形象，不過以前嘅作品〈鏡中鏡〉、〈作品的說話〉，都Dark到冇得再Dark，我唔係想話俾大家知我有Bad Boy嘅一面，只係為咗表達作品嘅意思，需要我有呢個造型。」姜濤更透露，今次演唱會都會出現近似造型，以及會有小小彩蛋，到時會給觀眾一個驚喜。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG