旁觀者丨吳嘉儀李旻芳撞樣獲安排演情敵 阿七扮濕疹少女殺人入型入格

《東張西望》女神李旻芳與「獎老」吳嘉儀（阿七）經常被指似樣，在無綫劇集《旁觀者》昨晚（10日）一集中，二人被安排飾演貌似雙胞胎的好友，但因似樣而成為情敵，最後反目成仇，阿七為爭仔狠心殺死李旻芳！阿七接受本報訪問，笑言二人真的太似樣，所以她結婚當日玩新郎時，曾用李旻芳的相片考驗老公！

同場加映：念丨陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

{{hket:inline-image name="c2.png"}}{{/hket:inline-image}}

{{hket:inline-image name="c4.png"}}{{/hket:inline-image}}

在昨晚的《旁觀者》中，阿七飾演濕疹少女，因經常抓傷皮膚流血及掉落皮屑，不但被同學嘲笑，更被舞蹈老師男友麥秋成拋棄，及後麥秋成移情別戀，跟阿七好姊妹李旻芳拍拖，令阿七大受打擊，兩女反目成仇。阿七後來受麥秋成甜言蜜語操控，麥秋成揚言因李旻芳貌似患濕疹前的阿七，才會移情對方，結果阿七親手用刀刺死李旻芳，更劃花李旻芳的臉。

吳嘉儀鬧婚變後孖老公夜繽紛 阿七收和好禮物冧爆笑老土【下一頁】

過往，阿七與李旻芳因為撞樣，不時被觀眾認錯。阿七接受本報訪問時笑說：「我哋自7年前《愛·回家之八時入席》之後再次做演戲對手，好開心呀！我哋現實中性格相反，佢（李旻芳）溫柔文靜，我粗魯嘈吵啲，但每次見到面都好親切。」阿七笑指不止觀眾，連她的家人、朋友有時睇電視也會撈亂二人：「之前我結婚，接新娘玩game嗰陣，都用佢（李旻芳）同我啲相撈亂，叫我老公去認！」

{{hket:inline-image name="c9.png"}}{{/hket:inline-image}}

{{hket:inline-image name="c10.png"}}{{/hket:inline-image}}

今次阿七在劇中演濕疹患者，經常不自覺𢯎痕，令面部及雙手滿布硬皮及出血傷口，演得入型入格。她說：「我本身都有敏感肌膚問題，平時轉季腰間同手摺位都試過濕疹。收到《旁觀者》Abby呢個角色，我約咗一個受嚴重濕疹困擾嘅舊朋友出嚟傾偈，問佢日常生活遇到嘅問題，好多謝佢同我分享，希望社會多啲體諒濕疹嘅朋友，其實好普遍，亦都人人有機會遇到，唔好歧視佢哋嘅外觀，佢哋心情好啲，對康復都好有幫助。」阿七演繹的Abby雖然可憐，但她對李旻芳動殺機時的兇狠樣，令人不寒而慄。阿七笑言老公看到她的演出都嚇親：「老公有畀意見我，希望我再進步啲！」

阿七亦大讚對手李旻芳好專業：「雖然佢主力做《東張》主持，但佢演戲好投入認真。有一場戲我要鍊佢頸，好多謝佢信任我，佢叫我唔使刻意就力，逼真用啲力都ok。佢係一個敬業好演員，希望好快再同佢拍劇，被佢殺番都ok！」

{{hket:inline-image name="c7.png"}}{{/hket:inline-image}}

{{hket:inline-image name="c8.png"}}{{/hket:inline-image}}

《金宵大廈》「鴉烏婆」真人有氣質撞樣李旻芳 演藝高才生讀書曾奪兩個獎學金【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】        

撰文：娛樂組
圖片來源：網上截圖、受訪者提供、IG