中年好聲音│羅啟豪處男登台跟肥媽偷師搞氣氛 獲大批粉絲接機竟然憶起傷心往事

曾經做平面設計師的羅啟豪（英國豪），追求夢想回港參加《中年好聲音》後人氣急升，人氣旺連帶工作量也越來越多。去年尾至今年初，已經密密接Job冇停手。於本月9日，更去到馬來西亞雲頂作首次處男登台，大受歡迎，使羅啟豪喜出望外。

同場加映：念丨陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

{{hket:inline-image name="10.jpeg"}}{{/hket:inline-image}}

昨日（10日）已回港的羅啟豪，馬不停蹄要繼續工作，他透露第1首個人單曲《相信 相信》，即將面世，他急不及待分享興奮感受：「今次首歌搵到倫永亮作曲、周耀輝填詞，已經順利完成錄音，即將會準備拍攝 MV。」這歌其實之前在羅啟豪的個人音樂會上，已經率先獻唱，不少豪殼十分喜歡，期待出歌已久。

{{hket:inline-image name="13.jpeg"}}{{/hket:inline-image}}

中年好聲音丨樊亦敏夥拍羅啟豪合唱火花十足 建議三少入《愛回家》演阿Joe？【下一頁】

中年好聲音丨羅啟豪住半山被野生捕獲搭巴士 一行為被讚貼地：參賽好友笑我慳家【下一頁】

公司為羅啟豪接了不少工作，近日（9日），他與肥媽和李麗霞（黑妹）在大馬雲頂處男登台，他開心哋分享感受：「以前成日喺新聞睇到啲前輩去外國登台，特別成日聽到話去雲頂，今次可以親身有呢個體驗，感覺好得意！」

{{hket:inline-image name="9.jpeg"}}{{/hket:inline-image}}

{{hket:inline-image name="1.jpeg"}}{{/hket:inline-image}}

音樂會上，羅啟豪面對超過6000位觀眾獻唱，當中有不少「豪殼」（粉絲名稱）捧場，除了有不少專程由香港飛去當地支持之外，還有很多大馬的豪殼，大家都拎晒燈牌熱烈應援，現場氣氛熱烈。表演完畢後，豪殼們都為他舉行祝捷活動，使他相當開心。回港後，亦有一大班豪殼接機，他笑謂：「 13歲離開香港嗰年，同二家姐一齊走，二家姐有成30個朋友嚟送機，我就只係得3個，比較上嚟都有啲啲唔開心㗎！但而家嘅我有你哋，今時唔同往日喇！」

羅啟豪這次行程還有不少難忘的地方，喜歡品嚐美食的他，就把握機會吃當地美食：「我主要揀去食啲地道菜色，學識咗咩係馬來三寶，就係奶茶配咖央多士再配近乎生嘅雞蛋送豉油，咁樣嘅配搭原來好好味，我第一次食唔知隻蛋咁生打手同枱都係，好醜怪！」而且他亦難忘兩位前輩肥媽和黑妹姐對自己的提點，而且眼見前輩們與觀眾的互動，學到不少。

撰文：娛樂組

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】