妳不是她丨馮盈盈拍激吻戲被指「猴擒」 丁子朗cut機即推開唔過電

無綫劇《妳不是她》已經播到去尾聲，丁子朗同馮盈盈喺劇中有唔少親熱鏡頭，睇到觀眾血脈僨張，日前TVB就喺社交平台分享幕後小花絮,小動作見到二人完全唔過電，即刻非常「出戲」呀！

同場加映：  念丨陳蕾硬朗性格源於家庭背景 走出迷惘期以真性情贏得掌聲

{{hket:ul-video id="9910"}}{{/hket:ul-video}}

《妳不是她》由丁子朗夥馮盈盈、黃庭鋒主演，劇中馮盈盈撞車後變到好似第二個人咁，丁子朗覺得眼前嘅女友非常陌生，劇情亦開始揭露馮盈盈轉變原因，發展出之後嘅故事。丁子朗同馮盈盈飾演熱戀中嘅情侶，少不免有好多親熱嘅鏡頭，TVB POST出二人NG片段，眕到人好肉緊！片中，丁子朗開始時同盈盈對望，講咗一句「都唔知你講乜」，盈盈就二話不說咀落丁子朗度。

{{hket:inline-image name="7.jpg"}}{{/hket:inline-image}}

盈盈之後更加成個人騎上丁子朗身上，丁子朗手中拎住水杯，但都好冷靜咁左手交右手輕放手杯去側邊，完全冇畀美色所迷。二人繼續激吻，咀到啜啜聲，丁子朗一邊除衫，馮盈盈亦都Chur爆幫手除呔，不過就喺呢個時候現場就有人嗌cut喇。

丁子朗即時拎歪面唔畀盈盈再錫到，不過盈盈就未意識到已cut機，繼續想咀埋去，要現場人員三次講「cut咗」佢先停低。之後丁丁立即將坐喺佢身上嘅盈盈頭也不回「掟」番落床，完全冇猶豫，睇嚟二人一啲都唔過電。

唔少人都留言表示好羨慕丁子朗，又有人話盈盈好「猴擒」，丁丁喺呢一幕幾乎係完全被動，但就被盈盈「chur到行」。都有人留言讚佢哋專業，一cut機就好似「冇感情」咁，冇額外多餘嘅漣漪，非常抽離。

圖片來源：Instagram