念丨陳蕾硬朗性格源於家庭背景 走出迷惘期以真性情贏得掌聲

歌手陳蕾堅持足足14年的音樂路，今年總算「開花結果」，除了1月1日在《叱咤樂壇流行榜頒獎典禮》上獲得4獎成為大贏家外，3月將會首踏紅館舉行三場個人演唱會《念》，門票火速售罄，可見人氣高企。陳蕾坦言入行時間長，中途都有感受到迷惘和想放棄，幸好家庭塑造的硬朗性格，加上友人當頭棒喝，令她下定決心繼續追夢，終於走到今天收成的日子。

{{hket:ul-video id="9910"}}{{/hket:ul-video}}

陳蕾將於3月3至5日一連舉行三場《念》紅館演唱會，今次主題以簡潔一個字「念」作為主題，一向熱愛動漫和打機的陳蕾直認概念來自《Hunter x Hunter》（全職獵人），「有睇呢個動漫都知，每個角色要使出一啲招都要用上『念』，令我突然諗起我收過一封手寫信，內容有提到我歌曲有『念』，收信嘅當下，我都未出有關動漫嘅歌，佢就用呢個字眼嚟形容我嘅歌。我最強嘅『念』係蘊藏歌曲嘅嗰份力量，亦是我骨子裡入面好倔強同打不死嘅嗰種能量。」

叱咤歌后陳蕾18歲亞視片段翻Hit 《亞洲星光大道》三甲去咗邊？【下一頁】

{{hket:inline-image name="kju.JPG"}}{{/hket:inline-image}}

{{hket:inline-image name="415002131_905033160986094_2522500571193399925_n.jpg"}}{{/hket:inline-image}}

{{hket:inline-image name="407718326_18397170346034522_8090674567855567990_n.jpg"}}{{/hket:inline-image}}

18歲時參加亞視參加《亞洲星光大道》，陳蕾當年僅得第四，經多年來的進步搖身一變成為歌后，她坦言在音樂路上難免有迷惘期，「我最迷惘應該係26歲嗰段時間，比賽後加入電視台都仲叫做有份工有糧出，係離開電視台之後返廣州，起初仲雄心壯志想準備得更加好再返香港，所以好努力咁開YouTube唱Cover歌。直到26歲跟唱片公司合約完咗，朋友同屋企人開始擔心我搵唔到食，我就會被人影響，不斷自問26歲仲做緊呢種浮浮沉沉又賺唔到錢嘅工作，係咪好任性呢？年紀細冇嘢可以失去，但年紀大責任越大，唔係淨係諗自己，要諗埋屋企。」

直至有一次跟廣州的中學同學去酒吧飲酒，當時有一位外貌端好的駐唱歌手，好友黃酒下肚語氣甚重，不經意間一句說話打擊她，陳蕾說：「個女仔又靚又彈得好又唱得好，佢話：『你睇吓人哋？咁好都係酒吧唱，你覺得自己憑咩呢？不如番去搵份工啦！』當時真係打擊到我，趴喺張枱度喊，遮住自己個樣搭的士返屋企，我覺得好醜怪，但真係好大打擊。」她憶起當晚消化足足一晚，翌日起床就已經有答案，「我冇怪朋友，但我個答案係唔想衰畀朋友睇，我要做得好啲先得。就係呢件事發現原來我都幾倔強，當自己仲相信自己嘅時候，就唔想被人睇死，唔想應驗別人嘅眼光呢種心態！」

{{hket:inline-image name="ggd.JPG"}}{{/hket:inline-image}}

{{hket:inline-image name="nhgv.JPG"}}{{/hket:inline-image}}

{{hket:inline-image name="lytg.JPG"}}{{/hket:inline-image}}

陳蕾經常多謝自己硬朗的性格，她笑言相信是來自家庭：「我感激屋企條件唔係咁好，變咗我唔可以冧囉，我又係家姐喎，如果我冧咗，屋企點算？所以呢種性格係環境逼成，同埋我本身都好勝，我要做到自己認為成功嗰個位先收手，無論打機、織嘢同音樂都一樣。」

全民造星V丨陳蕾出茅招搶人惹眾怒 自爆以激嬲馮允謙為樂【下一頁】

陳蕾的貼地真性情，在她打機和編織上面完全體現到，她經常開直播打機跟粉絲交流，又會為她自己編織不同造型的服裝和手袋，她坦言跟粉絲的關係感覺似朋友，但原來起初並不是這樣。「之前未有公司，自己喺YOUTUBE經營平台，有機會去台灣表演要拍片，我係勁老正嗰啲，就算唱Cover歌嘅片都會剪頭剪尾，大家見唔到我講嘢，好驚被人見到呢個望落有啲氣質嘅女仔原來係勁師奶。就算啱啱加入華納唱片，我都唔太敢做自己，唔知大家鍾唔鍾意，或者幻想人哋覺得自己係型同酷，唔敢太放肆。」直至公司拍攝MV花絮片，陳蕾毫無防範將自己真性情都顯露出來，沒想到粉絲反而勁鍾意，再加上「華納高層」這個YouTube Channel，令旗下歌手完全打開自己。「其實好開心同多謝華納，令我哋最真實一面包裝得好可愛，呈現大家面前。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

髮型 : Cliff @ Myos
化妝 : Tammy Au 
攝影：陳健珊
撰文：楊安莉