麥秋成湊女放學感慨執法人員涼薄 「吼準」抄牌不吐不快：對人無情

湯怡於2021年閃婚嫁麥秋成，同年6月誕下女兒「麥QQ」，唔經唔覺囡囡已經兩歲幾，仲已經開始返學前班。廿四孝爸爸麥秋成就算工作忙都會揸車接囡囡放學，今日佢就一個多次見到嘅景象，喺社交平台分享，似乎不吐不快。

同場加映：  中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

{{hket:inline-image name="1.jpg"}}{{/hket:inline-image}}

麥秋成Post全黑story，留言：「有時睇到真係唔舒服，明知接放學先嚟抄牌，大部份家長嘅車停低15分鐘就走，早15分鐘唔抄，遲15分鐘唔抄，每一次都係等啲家長離開咗架車先至嚟。涼薄……呢個唔係應唔應該嘅問題，呢個係有冇「情」嘅問題。人情同道理永遠都有對立點，你對人無情，別人何須留情。」麥秋成更表示「Ask me a question」開放同網民討論。

有人表示可能係學校或者有人報警投訴，先會有人到場執法，不過麥秋成就表示每次見到嘅都係俗稱「黃腳鱲」嘅交通督導員抄牌，相信如果係接到投訴係會有警員到場。又有網民留言表示認同麥秋成，留言：「我哋學校又係咁，好乞人憎，其實明知啲家長接完放學即刻走，係要人哋排緊隊就抄。」麥秋成感慨回應:「希望這個地方多一點情，那麼便會多一點義。」

圖片來源：Instagram