39歲袁嘉敏倫敦倒數有伴睇煙花 鬧爆鍾培生父子後遠走他鄉

今年39歲的袁嘉敏（Candy）參加2009年香港小姐競選而入行，約滿TVB後隨即就進軍電影圈，多年來演藝事業都唔算好標青，但就花邊新聞多多。前年佢突然於社交平台鬧爆富三代鍾培生同佢爸爸，但真正發生咗咩事就一直含糊其詞，引來唔少揣測。大爆發之後佢馬上離開香港，不過仍不時拍片分享近況，日前佢就拍企咗自己去除夕倒數嘅盛況。

同場加映： 中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

Candy日前於YouTube頻道更新新片，全程以英文拍片。片中一開始佢就着上一條非常性感嘅緞質晚裝，佢表示因為一陣戶外非常凍，佢就會由頭包到落腳，所以就先打扮一下拍片，好有觀眾心呀。Candy表示佢自己已經好多年冇出去倒數，不過今次有多咗嘅煙花飛，而佢又住喺倫敦市中心，所以決定出去湊下熱鬧。

{{hket:inline-image name="4.JPG"}}{{/hket:inline-image}}

Candy之後就變裝着上羽絨，佢表示倒數現場嘅人甚至比香港仲要多，而現場都係冇得坐，企咗幾個鐘下佢都有啲腳痹。之後佢就去到買小食同飲料，佢提到買完之後要去會合女友人，原本單身嘅Candy都唔使一個過節。不過Candy全程都冇影到佢嘅女友人，只係同大家分享煙花同美景。Candy翌日再拍片，刻意避開新年巡遊，佢指自己之後都唔會再去同一個地方倒數，每個地方感受一次已經足夠，佢指前一晚返到屋企仲要沖涼，去到凌晨4:30先有得瞓，非常疲倦。不過片中Candy一啲疲態都冇，容光煥發，皮膚又firm又有光澤，甚至比離開香港前更sharp，睇嚟佢已經習慣外國生活。

Candy 2022年突然於IG炮轟鍾培生父子是人渣，表示：「One year with the Cheung, what a nightmare. (在鍾家的一年是一場噩夢)」直指鍾氏父子絕非好人，直斥他們人品很有問題，而且父子會有古怪要求，事件震撼全城。Candy之後有再解釋自己行為，指自己當日「失咗理智」：「因為唔開心喊得幾犀利嘅。咁但係咪鬧人渣？我就無一個咁凝重咁harsh嘅字眼，即係喺我哋人常會話中意思就係衰人多少少。但係始終對佢哋唔好，對我又唔好啦，特別去到我呢個年紀，應該更加成熟去處理，都係我嘅錯啦，最大嘅錯都係我啦。因為其實我應該揀得好啲，即係揀人做朋友要揀得好啲，同埋我真係放低咗戒心，搞到自己幾傷心同嘥咗幾多時間，咁呢個都係我嘅錯嚟嘅。」

Candy談到與鍾培生關係：「嗰陣相處都ok，雖然有啲嘢我係忍緊，但係就未話喊咁樣嘅。但係後尾就太唔開心，都喊得幾犀利咁，就咁樣發生咗件事。其實嗰陣係有人主動嚟搵我，就話鍾意咗我好多年，終於想識我喇。一開始其實都覺得唔啱㗎喇，因為大家嘅諗法同性格都好唔同，就希望慢慢轉化變咗做一個細佬咁樣啦。呢段關係中100%係由人哋主動提出，由人哋主導。我都知香港係個比較實際嘅城市，有時候個意識形態都會覺得有錢嘅男人就係筍盤，但係我就會着重彼此嘅性格同想法係咪合適同合拍，因為日日都要對住嘅時候，你同佢講嘢溝通都唔係咁好，咁就真係無必要去發展。其實當時就一直保持住一份理智嘅，但係後尾到4月1號就失咗理智咁樣。」

圖片來源：YouTube截圖