新聞女王丨「梁Sir」林景程「賊王」黎澤恩翻唱片尾曲《Crystal Clear》 天台還原中槍場面致敬

《新聞女王》早前播畢，劇中有不少情節曾經成為網民討論的話題，例如在賊王案因頭部中槍而昏迷十年丶後來奇迹甦醒的警員橋段。飾演警員梁Sir的林景程，與扮演賊王的黎澤恩(Ronny) ，竟然「一槍即合」，密謀再度合作！

同場加映：中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

{{hket:inline-image name="L1002201.jpg"}}{{/hket:inline-image}}

林景程及黎澤恩大玩新嘗試，以男聲及木結他重新演繹由炎明熹主唱》、《新聞女王》英文片尾曲《Crystal Clear》，同時自資為歌曲炮製MV。景程鬼馬地表示: 「第一次同Ronny演對手戲，就被他一槍爆頭， 真係『唔嬲就假』！不過既然梁Sir後來奇迹地醒番，就決定寬恕賊王，大家冰釋前嫌，化敵為友，攜手發放正能量，為觀眾帶來驚喜！」他續稱 :「今次合作，源於我哋都好喜歡呢首歌，尤其佢出現喺賊王同梁Sir分别中槍倒地嗰一幕，將原本殘酷嘅畫面變得浪漫淒美，我們都好欣賞呢個巧妙編排。而且《新聞女王》可以話係我同Ronny嘅代表作，再加上收視成績咁好，所以我哋當做向呢部劇集致敬！」

本身是樂隊Mr.結他手出身的Ronny，重新編排《Crystal Clear》:「而家曲風同原版有啲不同，而且改用木結他伴奏同男聲演繹，又有另一番風味。同景程合作拍劇前，唔知道他原來參加《超級巨聲》出道，所以冇諗過佢識得唱歌！後來傾偈，我叫佢嘗試哼幾句，一聽就發現原來他係個『被演戲耽誤嘅歌手』，真係唱得唔錯！於是我好大膽提出翻唱呢個主意，他又好大膽一口答應。」他搞笑説:「本來我以為同景程嘅共同話題係圍繞脊椎同腰骨，因為佢係物理治療師，我係健身教練，點知而家大家變咗研究發聲器官。」

{{hket:inline-image name="L1002222.jpg"}}{{/hket:inline-image}}

將來會否繼續與Ronny以男子組合的身份發表歌曲，景程表示只要觀眾喜歡，他們便會計劃『進軍樂壇』：「稍後或者構思一個組合名，Ronny曾經提議叫『Sir王』，即梁Sir加賊王嘅組合。」拍攝MV當日，市區氣溫只得十度，二人還要全程在天台拍攝。Ronny說: 「導演話我哋喺劇中相遇嘅情節，令佢諗起經典港產片《無間道》，於是選擇喺大厦天台取景。嗰日實在太凍，原來景程喺成個MV一直雙手插袋，我睇片先知道！」

撰文：娛樂組
圖片來源：大會提供