在TVB人氣節目《中年好聲音》中，周國豐和伍仲衡兩位被形容是評審中最「手緊」的「左右門神」，兩人默契越來越好，更一齊開設YouTube直播節目《周五有周伍》，同樣受歡迎。近日兩人接受《舊日的足跡》的訪問，他們大談與四大天王的相處經歷，點評新人之餘，周國豐更透露現時感情近況。
同場加映：黃心穎「安心」挫敗留陰影改自駕 否認爬馬國明頭結婚：可能係淵緣
中年好聲音丨周國豐爆公務員人情超標都要退 離婚打擊怕觸景傷情唔敢去日本【下一頁】
主持人車淑梅好奇在他們的嚴格挑選下，會否打造出新一代的四大天王？周國豐直言不容易，樂壇現時的機會沒以前的多。伍仲衡更認為互聯網把「歌手」的水準拉低，「以前做歌手有門檻，冇唱片公司簽約就出唔到歌。而家人人買部電腦、買支咪、唱首歌放上網，就可以自認歌手。」周國豐慶幸自己成長於四大天王的年代，更指唱得之人又豈止四位，「當年好好玩，百花齊放。我覺得第五個天王係李克勤，仲有周華健，當時對四大天王衝擊好大！」
提到跟四大天王相處點滴，伍仲衡慶幸曾跟隨張學友三次巡迴演出，又指劉德華親和的性格令他印象深刻。「我當時只係一個新人，但華仔都會問我意見，大家有傾有講。」周國豐指雖然每次跟黎明見面都會「鬥嘴互窒」，猶如吵架般，但其實大家關係很好，「當年我封咪轉做幕後前嘅最後一星期，好忙要約唔同朋友接受訪問。我兩日前先約佢（黎明），佢依然嚟。我覺得黎明係一個聰明嘅人，亦係一個聰明嘅老闆。佢對歌曲嘅商業敏感度非常高，衛蘭喺佢旗下發行嘅歌就係最好聽嘅時期。」伍仲衡亦表贊同。「藝人錄音嗰陣，黎明亦會在場。我人生錄音時間最長嘅歌，就係衛蘭嘅《如水》，當時錄咗40幾個鐘。而黎明又會打電話畀我示範，直接唱畀我聽，我覺得佢好可愛。」至於郭富城，周國豐大讚其舞藝精湛。「佢對舞台表現要求非常嚴格，我見過佢同經理人小美鬧交，不過係因為緊張工作，最後大家都有讓步。」
中年好聲音丨伍仲衡入五預告明年做老襯 公關女友一腳踢大搞生日音樂會【下一頁】
近年香港樂壇新人輩出，伍仲衡首選炎明熹，「佢有一種氣場，係舞台表演者嘅魅力，好有壓台感，亦能發放光芒，聲音都好布有辨識度。但佢又帶少少傻勁，最鍾意錄音時食零食，我覺得佢好似王菀之。」至於周國豐表示MC張天賦是他的心水，「他現場唱功好厲害，詮釋歌曲亦別具一格，歌唱技巧好好！」
伍仲衡將於1月6日結婚擺酒，車淑梅追問舊同事周國豐有否羨慕對方？周國豐稱自己正享受一個人的精彩，「我都結過婚啦，所以更清楚自己想要咩，而家一個人好舒服，我成日強調呢種『alone』並唔代表 『lonely』。以前嘅我唔識得點愛自己，只係滿足身邊嘅人，包括家人同以前嘅伴侶，而家就享受單身，呢兩年特別過得舒服。我冇拍拖，曾經有男士向我示好，但我唔會接受，我好清楚知道有啲事係唔可以呃自己個內心……」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組