陳茵媺與奶奶大伯全家遊西班牙 陳豪餅印哥哥複製《破毒強人》角色

陳豪一向都係愛家好男人，即使近日忙於拍攝新劇，都不忘陪伴家人，早前成功趕及聖誕前完成喺深圳拍攝，陪妻兒一家大細飛到西班牙巴塞隆納過聖誕，而佢嘅媽媽同哥哥都有同行，哥哥樣貌仲罕有曝光呀！

同場加映： 中年好聲音2丨鄭梓浩感激軟硬天師令名字被記住 嘆移民不好受：中年追夢無悔人生

{{hket:ul-video id="9876"}}{{/hket:ul-video}}

陳豪老婆陳茵媺（Aimee）不時都會喺網上分享佢哋一家嘅溫馨家庭照，日前佢於IG分享多張照片，提到一家於巴塞隆納過聖誕，Aimee以英文留言：「以英文留言指巴塞隆納這個地方令她與老公留下很多浪漫的回憶，很開心今次一家人齊齊外遊體驗這個美好旅程。」

{{hket:inline-image name="1.jpeg"}}{{/hket:inline-image}}

{{hket:inline-image name="35703e9a-4f84-45b0-a21f-55d5040994da.jpg"}}{{/hket:inline-image}}

{{hket:inline-image name="3ab55695-c57a-4add-91d8-cf1955c926b3.jpg"}}{{/hket:inline-image}}

相中見到一家五口一如以往咁著上好有聖誕氣氛嘅家居衣飾影合照，非常溫馨，Aimee又影低三個小朋友拆禮物時相當興奮，細女Camilla更興奮到擘大口得個窿。幾個小朋友都越來越高大，大哥只係矮媽媽半個頭，最細嘅可愛豆釘妹妹都一瞬間拉長，高到去媽媽膊頭！之後一個post就見到佢哋一家出外用餐，放假中嘅陳豪成個人精神飽滿咗唔少，不過一雙眼唔知係咪因為笑得太開心，依然都比較細。

除咗佢哋一家，仲有陳豪嘅媽媽同埋哥哥一行七人一同慶祝，齊齊歡度佳節。相中陳豪哥哥同佢直頭好似複製人一樣，不過就比起依家比較精神嘅陳豪，哥哥就比較瘦，但有少少長頭髮嘅佢都同樣有型不羈，好似陳豪喺《破毒強人》中角色文華。雖然Aimee冇特別提及呢個係大伯，不過大家都意會到佢係哥哥，有網民留言：「唔好意思，請問相中人係Mosses大哥？二哥？真係成個餅印！」真係失散咗離半個地球咁遠都可以相認呀。

圖片來源：Instagram